სოფლის მერცხალი ფართოდაა გავრცელებული ევროპაში, აზიაში, აფრიკაში, ჩრდილო და სამხრეთ ამერიკაში.
საქართველოს ფარგლებში სოფლის მერცხალი გვხვდება ყველგან, როგორც მობუდარი ფრინველი. მრავლად მოიპოვება მიმოფრენის პერიოდში. ვერტიკალურად ვრცელდება 3 000 მ-მდე.
სოფლის მერცხალი ბინადრობს ადამიანის საცხოვრებელში. ბუდეს იკეთებს სახლის აივანზე, ბოსელში, ოთახში, ყველგან, სადაც კი ადამიანი ცხოვრობს. დებს 4-7 კვერცხს. კრუხობის ხანგრძლივობა აღწევს 14 დღემდე. ზოგჯერ წლის განმავლობაში მრავლდება ორჯერ. ძირითად საკვებს შეადგენენ მწერები, რომელთაც იჭერს ფრენის დროს.
მავნე მწერების მასობრივად განადგურებით, სოფლის მერცხალს სოფლის მეურნეობისთვის მნიშვნელოვანი სარგებლობა მოაქვს.
ცნობილია სოფლის მერცხლის რიგი ქვესახეები, რომელთაგან საქართველოში მოიპოვება ევროპული სოფლის მერცხალი. Hirundo rustica rustica