პრაქტიკული რჩევები/გამოგონებები

ძალიან ბევრი ადამიანი ხშირად ჩივის იმაზე, რომ დენის გადასახადი საეჭვოდ გაზრდილი მისდის. საქმე ის არის, რომ სახლის ელექტრომრიცხველის მაჩვენებელი ორჯერ იმატებს ელექტრული იმპულსების არასწორი თვლის გამო და, შესაბამისად, მრიცხველი მუშაობს ე.წ. "ორმაგი ტარიფის" რეჟიმში. როგორ შეიძლება შევამოწმოთ ჩვენი მრიცხველი სწორად მუშაობს თუ არა? ფოტოზე ნაჩვენებია რიგითი დენის მრიცხველი, რომელზეც მწვანე ჩარჩოთი შემოხაზულია მონაცემი "A=3200imp/(kw*h)".

აღნიშნული მონაცემი ნიშნავს იმას, რომ ამ კონკრეტულ მრიცხველში ერთი კილოვატი*საათში "სრულდება" ყოველ 3200 იმპულსში, რომლებიც გამოსახულია სინათლის დიოდით "А". ეს უკანასკნელი ფოტოზე აღნიშნულია წითელი ისრით (აღსანიშნავია, რომ რიცხვი "А" სხვადასხვა მრიცხველებში შეიძლება სხვადასხვა იყოს). სწორედ ეს ელექტრული იმპულსები ითვლება მრიცხველის მიერ. სხვანაირად რომ ვთაქვათ, ყოველი სამი ათას ორასი იმპულსი ითვლება ერთ კილოვატ*საათად.

მსგავსი მრიცხველი, რომელიც არასწორი თვლის სიტემით არის დაყენებული, 1 კილოვატ*საათს ითვლის არა 3200 იმპულსში, არამედ 1600-ში - ანუ ზუსტად ორჯერ სწრაფად.

მრიცხველის შესამოწმებლად სულაც არ არის საჭირო მის წინ ვიჯდეთ და ვითვალოთ 3200 იმპულსი. მრიცხველის მარჯვენა სეგმენტი აჩვენებს არა კილოვატებს, არამედ მის მეასედებს (0, 01 kW, ფოტოზე წითელი ნახევარჩარჩოთია გამოყოფილი) და ეს "სეგმენტი" გაყოფილია 100 ნაწილად. ყოველი დათვლილი 1/100kW-ის შემდეგ ისმის დამახასიათებელი წკაპუნი და კილოვატის მეასედების მთვლელი ბრუნდება ერთი - ყველაზე მცირე დანაყოფით. ანუ, ჩვენს შემთხვევაში, მრიცხველმა უნდა დაიწკაპუნოს ყოველ А/100 იმპულსზე (ფოტოზე ასახული მრიცხველის შემთხვევაში, სადაც А= 3200, ეს რიცხვი იქნება 3200/100=32 იმპულსი). "არასწორი" მრიცხველი დაიწკაპუნებს ორჯერ უფრო სწრაფად (ფოტოზე არსებული მრიცხველის შემთხვევაში - ყოველ 16 იმპულსზე). სხვა სიტყვებით რომ ვთქვათ, თქვენ უნდა შეამოწმოთ მრიცხველზე მწარმოებელი ქარხნის მიერ მითითებულ თითოეულ კილოვატ*საათზე იმპუსების რაოდენობა შეესაბამება თუ არა იმპულსების რეალურ რაოდენობას, რისთვისაც უნდა დაითვალოთ მართლა "ითვლის" თუ არა თქვენი მრიცხველი ყოველ А/100 იმპულსზე 0, 01kW-ს.

https://intermedia.g....a:show:channel

ზამთრის დადგომასთან ერთად ხის ფანჯრებზე ხშირად აწებებენ ლენტებსა თუ სპეციალურ სათბურებს, რომლებიც სახლში ცივი ჰაერის შემოსვლას უშლის ხელს და სითბოს ინარჩუნებს. მეტალოპლასტმასის ფანჯრების დაყენების შემთხვევაში კი ეს პრობლემა მოხსნილია.

მაგრამ, ძალიან ხშირად ხელოსნები უბრალოდ დააყენებენ ფანჯარას და მისი მოხმარების შესახებ შემდეგომ ინსტრუქციებს აღარ იძლევიან. კერძოდ კი, ავიწყდებათ კლიენტს გააცნონ ორი ძალიან მნიშვნელოვანი დეტალი.

პირველი: ფურნიტურის ყველა მოძრავ დეტალს სჭირდება რეგულარულად დაზეთვა. აღნიშნული პროცედურა სასურველია წელიწადში მინიმუმ ერთხელ მაინც ჩატარდეს, უბრალო მანქანის ზეთის გამოყენებით.

მეორე: წელიწადის დროის მიხედვით აუცილებელია ფანჯრები გადავიყვანოთ ზაფხულის ან ზამთრის რეჟიმზე, რაც ჩვენ თავად ძალიან მარტივად შეგვიძლია.

როგორ ვარეგულიროთ მეტალოპლასტმასის ფანჯრები

რეგულირების შესაძლებლობით აღჭურვილია თითქმის ყველა თანამედროვე კონსტრუქცია. იმისათვის, რომ შევამოწმოთ, გადადის თუ არა ფურნიტურა ერთი რეჟიმიდან მეორეზე, საკმარისია დავაკვირდეთ საკეტის მიმდებარე ადგილებს და ვნახოთ, არის თუ არა იქ ე.წ. ექსცენტრიკები.

თუ მათზე დაინახავთ ოვალურ ან ექვსკუთხა ან ფიგურული სახრახნისის ფორმის ხვრელს, დარწმუნებული იყავით, რომ ამგვარ მოწყობილობას ნამდვილად აქვს ზაფხულისა და ზამთრის რეჟიმზე გადასვლის შესაძლებლობა.



ფანჯრის რეჟიმის შესაცვლელად, უბრალოდ შესაბამისი ინსტრუმენტის საშუალებით შეაბრუნეთ ყველა ექსცენტრიკი (რაც უფრო დიდია ფანჯარა, მით მეტია მათი რაოდენობა) საჭირო მიმართულებით.



თუ საკეტი გამუდმებით ზამთრის რეჟიმზეა, რეზინაზე ზეწოლა დიდია და იგი მალე ცვდება. იმის შემოწმება, თ რამდენად მჭიდროდ იხურება ფანჯარა, საკმაოდ მარტივია: ამისათვის საკმარისია ფანჯარაში მოაყოლოთ ჩვეულებრივი ქაღალდის ფურცელი: თუ დახურული ფანჯრიდან ფურცელს ადვილად ამოიღებთ, ფანჯარა ზაფხულის რეჟიმზე იმყოფება.