ry 31, 2013, 19:26 ციტირება
გამარჯობათ, მოგეხსენებათ 16 კალიბრიანი თოფრბის პატრონები განებივრებულები არ ვართ ქარხნული ვაზნების არჩევანში თანაც ხარისხი დაბალია 12 კალიბრიან ვაზნებთან შედარებით რადგან საქართველოში უმეტესად თურქული წარმოების უხარისხო ვაზნები შემოდის უცხოურები კი შედარებით ძვირი ღირს. ვიყიდე 16 კალიბრიანი 4 ფირმის N5 ვაზნა და გადავწყვიტე შემედარებინა ერთმანეტს 35 მეტრში.
1)zuber 28gr (გამჭვირვალე ფერის თურქული ვაზნა, კონტეინერიანი)
2)sterling 28gr (მწვანე ფერის თურქული ვაზნა, კონტეინერიანი)
3)yaf cheddite 28gr (ყვითელი ფერის თურქული ვაზნა, კონტეინერიანი)
4)ELEY vip Game 26.5gr (ლურჯი ფერის იტალიური ვაზნა, უკონტეინერო)
5)Cemi datenili 28gr (1.4ესპანური წამალი, მუყაოს პიჟი, კონტეინერი, 28გრამი საფანტი)
გასროლა ხდებოდა იჟ43-ის მარჯვენა (ნახევარჩოკი) ლულით 35 მეტრში დეესპეზე გაკრულ შპალიერზე, თოფი კი მჭიდროდ იყო დამაგრებული საყრდენზე.
1. პირველი გასროლა მოხდა zuber-ის ფირმის ვაზნით. შედეგი: 82 მარცვალი საფანტი მოხვდა სამიზნეს აქედან მხოლოდ 1 მოხაზულ რგოლში. თითქოს კარგი შედეგი აჩვენა, საფანტის დიდი რაოდენობაც მოხვდა მაგრამ საინტერესოა რატომ მოხვდა ცენტრში მხოლოდ ერთი მარცვალი და რატომ დარჩა სამიზნის შუა ნაწილი შედარებით აუთვისებელი როცა ირგვლივ საფანტიი თანაბრად განაწილდა?!
2. მეორე გასროლა მოხდა sterling-ის ფირმის ვაზნით. შედეგი 69მარცვალი საფანტი მოხვდა სამიზნეს აქედან მხოლოდ 2 მოხაზულ რგოლში. ამ ვაზნამ ზუბერთან შედარებით უფრო მჭიდროდ მიიტანა საფანტი, მაგრამ რატომღაც მაინც საფანტის ნაკლები რაოდენობა მოხვდა სამიზნეს.
3. მესამე გასროლა მოხდა yaf cheddite-ს ფირმის ვაზნით. შედეგი 66 მარცვალი საფანტი მოხვდა სამიზნეს აქედან მხოლოდ 3 მოხაზულ რგოლში. ამ ვაზნამაც გაშალა მაგრამ საფანტი არათანაბრად განაწილდა. ბევრი საფანტი იყო ახლო ახლოს მოხვედრილი თან ამავდროულად ზოგან დიდი დაშორებებებიც იყო ასე რომ სამიზნის დიდი ნაწილი იყო აუთვისებელი...
4. მეოთხე გასროლა მოხდა ELEY vip Game-ის ვაზნით. შედეგი 104 მარცვალი საფანტი მოხვდა სამიზნეს აქედან 12 მოხაზულ რგოლში და რამდენიმე რგოლთან ახლოს. ამ ვაზნაზე შემიძლია ვთქვა რომ ამ მანძილზე იდეალურთან მიახლოვებული ვაზნაა ისე კი საინტერესოა რამდენ მეტრამდე იქნება შესაძლებელი ამ ვაზნით ნანადირევის სუფთად აყვანა...
5. მეხუთე გასროლა მოხდა ჩემი დატენილი ვაზნით რომლის პროპორციები აწონილი იყო წამლის სასწორით! შედეგი
95 მარცვალი საფანტი მოხვდა სამიზნეს აქედან 7 მოხაზულ რგოლში და რამდენიმე რგოლთან ახლოს. რაც არ უნდა გასაკვირი იყოს ჩემთვის ამ ვაზნამ მეორე ადგილი დაიკავა 4 ქარხნული ვაზნას შორის!
მაგრამ აქ კიდევ გასათვალისწინებელია ლურჯი ფერის ვაზნა რომელმაც ყველაზე კარგი შედეგი აჩვენა არის უკონტეინერო და თან 26.5გრამი დანარჩენები კი კონტეინერიანი 28 გრამიანები...
ავტორი:თენგომენგო