დიდების სხეულის სიგრძე 240–250 მმ–ს უდრის, კუდის ––130–159 მმ. სხეული მუცლის მხარეზე მოწითურო ფერისაა, ზურგი მოწაბლისფრო–რუხია, სხეულის უკანა ნაწილი თანდათან მუქდება. ზამთრის ბეწვი უფრო მუქია ზაფხულისაზე. ტერფზე ექვსი კოჟიჟი აქვს, ძუძუ–10. ლიტერატურაში (ბ. ვინოგრადოვი და ა. არგიროპულო, 1941) აღნიშნულია, რომ თითქოს ციყვს ყურებზე ფუნჯები არა ჰქონდეს, რაც სიმართლეს არ შეეფერება. ფუნჯები აქვს, მაგრამ მხოლოდ ზამთრის ეგზემპლარებს, თუმცა ისე განვითარებული არა აქვს, როგორც ჩვეულებრივ ციყვს. ძირითადი კბილების ფორმულა 4/4–ია.
ციყვი გავრცელებულია აღმოსავლეთ და დასავლეთ საქართველოში, სოხუმის რაიონის ჩათვლით.
ციყვი ხეებზე ცხოვრობს. იკვებება დღეში ორჯერ – დილა-საღამოს. ხანდახან შეიძლება დილის 12 საათზეც ვნახოთ ხეზე ჩამომჯდარი, როცა ის ჭამს: კაკალს, თხილს, რკოს, წიფელის თესლს, მაყვალს, გაზაფხულზე სოკოსა და სამყურა ბალახსაც (თეთრი). ზოგჯერ ცხოველურ საკვებსაც ეტანება. ჩვენში დაკვირვებით, ციყვი ზოგჯერ დღისით სასიმინდეებშიც კი შედის.
ბუდეს ხის ფუღუროში იკეთებს. ზამთრისთვის იმარაგებს კაკალს, თხილს და სხვა თესლეულობას 2–3კგ–მდე. ზამთარში ძილს არ ეძლევა.
ციყვი აპრილის დასაწყისში ან მარტის ბოლოს შობს შვილებს რიცხვით 5–ს, იშვიათად – 7–მდე. შვილები ზრდას 1,5 – 2 თვემდე ამთავრებენ. ლიტერატურაში არაა აღწერილი წელიწადში რამდენჯერ მრავლდება ეს სახეობა. სავარაუდოდ, ეს ციყვიც რამოდენიმეჯერ მრავლდება წელიწადში.
შემოდგომის ბეწვის ცვლა ოქტომბრის ბოლოს ან ნოემბრიდან იწყება და ნოემბერშივე მთავრდება. მისი ბეწვი უხეშია, საქართველოში მისი ბეწვი მზადდებოდა, მაგრამ მცირე რაოდენობით. ამჟამად ამიერკავკასიურ ციყვზე აკრძალულია ნადირობა: აფხაზეთსა და აჭარაში, ბორჯომის რაიონში და დასავლეთ საქართველოში. ციყვს ზიანი მიაქვს იმ ადგილებში, სადაც წაბლი, თხილი და კაკალი მოიპოვება. ამიერ კავკასიაში აღწერილია ქვესახეობა – S. c. anomalus gmel.
- ფორუმი
- ფორუმის წევრები
- Shoutbox
- კალენდარი
- ფოტო გალერეა
- Custom Pages
- ვიდეო გალერეა
- iHost
- კლუბის შესახებ
- ფორუმი
- ფორუმის წევრები
- ყველაზე აქტიურები
- ფორუმის სიახლეები
- კალენდარი
- სურათის ატვირთვა
- იუთუბზე ატვირთვა
- ონლაინში არიან
- საიტის რუკა
- მაღაზიები
- კატეგორიები
- მთავარი
- მონადირეთა ლეგიონი
- მსროლელთა ლიგა
- ნადირობა
- ბაზიერობა
- სამონადირეო იარაღი
- ძაღლები
- თევზაობა
- დასვენება, ლაშქრობა
- ფლორა და ფაუნა
- სხვადასხვა
- მედიცინა
- ისტორიის კუთხე
- ბუნება
- გალერეა
- გადმოწერა
- დაგვიმეგობრდით