სასროლი ბადით თევზაობა საქართველოში ძალიან სპორტული აზართული და სრულიად კანონიერია.
ეს თევზაობის ის მეთოდია რომელსაც თუ ვინმემ სპეციალურად არ გაზიარა და არ გასწავლა შენით რომ ჩაერთო ნაკლებად შესაძლებელია, ყოველ შემთხვევაში მე ასეთი არმინახავს. ძირითადად თაობიდან თაობას გადაეცემა.
ხშირად მებადური აღსაზრდელისთვის უკვეთს და ყიდულობს სპეციალურ სასწავლო ბადეს. ეს იმიტომ რომ კარგ ბადეს ეზოში და მინდორში სათრევად არავინ გაიმეტებს.
გასათვალისწინებელია ერთი რამ სასწავლო ბადის სროლა რადიკალურად განსხვავდება უკვე მოქმედების ადგილას მდინარეზე სროლისგან.
პირველ რიგში ბადის სწორად აკეცვას სწავლობენ შემდეგ სროლას.
ბადის სროლის პრაქტიკული უნარჩვევების ათვისების შემდეგ მომავალ მებადურს თან ატარებს მასწავლებელი და უკვე მდინარეში ასწავლის -უსაფრთხოების წესებს. ბადის ტარებას წყალში. სწორად აკეცვას სროლას. მდინარის ძალის შეფასებას და ყველაზე მთავარს -მდინარის კალაპოტის სწორად "წაკითხვას" სად შეიძლება იყოს თევზი სად ღირს ბადის სროლა და სად ჯობია თავი შეიკავო სროლისგან.
ასევე ასწავლიან სახიფათო და გართულებული სიტუაციებიდან თავის დაღწევას. წყალში სწორად სიარულს. ფეხსაცმელის სწორად შერჩევას.
მე და ჩემ მამიდაშვილს ჩვენმა ბაბუამ გვასწავლა ბადის სროლა. თავის საქმის ვირტუოზი იყო შეეძლო საჭიროების შემთხვევაში სამკუთხედად ოთხკუთხედად ნებისმიერ ფორმაზე გაეშალა ბადე. რაზეც პირადად მე ვერც ვიოცნებებ.
ყველა ადამიანს თავისი ინდივიდუალური ბადის სროლის სტილი აქვს.
ძალიან ლამაზი სანახავია გამოცდილი მებადური ბადეს რომ ისვრის.
ჩამსწორებელი ქსოვრეთელი, 21 December 2020 - 07:27 PM.