ალპური მთიულა გავრცელებულია სამხ. ევროპაში, კავკასიაში, მცირე, შუა და ცენტრ. აზიაში, ირანში, ავღანეთში, ალტაის ს.-დ. ნაწილში.
საქართველოს ფარგლებში ალპური მთიულა მოიპოვება მრავალ ადგილას როგორც მობინადრე ფრინველი. ვერტიკალურად აღწევს 2700 მ-მდე.
ალპური მთიულა ბინადრობს ალპურ ველებზე, ზეგნებზე, მთათა ფერდობებზე, ადამიანის სამოსახლოს მიდამოში, ბაღებში. ბუდეს იკეთებს მიწაზე კლდეთა ნაპრალებში, ნაგებობათა კედლების არეებში, სხვა ცხოველთა მიერ მიტოვებულ სოროებში, სოფლის ეზოებში. დებს 4-6 კვერცხს. კრუხობის ხანგრძლივობა აღწევფს 14 დღემდე. საკვებს შეადგენენ მცენარეთა თესლები და მცირე ზომის მწერები.
ცნობილია ალპურ მთიულას ორი ქვესახე, რომელთაგან საქართველოს ფარგლებში გვხდება თოვლა ალპური მთიულა - Montifringilla nivalis alpicola