Jump to content

სურათი

ბაბუ და ბაბულიკა


ამ თემას აქვს 12 გამოხმაურება

#1 Share   გადავიდეთ ამ პოსტის ბმულზე
babu

babu

    უხუცესი ლეგიონერი


  • Find Topics
  • გამგეობის წევრი
  • 41726 პოსტი
  • მისამართი:tbilisi
  • წარმოშობა:guria

legion.ge_8L5e3fd0f90b1ae.jpg

 

 

,,დღეს ყველაზე ბედნიერი და გახარებული დავწექი დასაძინებლად…ჩემი პატარა ნატვრისთვალი დაიბადა. როგორც იქნა ღმერთმა წყალობის თვალით გადმოხედა ჩვენს ოჯახს, ამდენი ხნის ნანატრი შვილიშვილი ჩაგვისვა კალთაში… მე ბაბუა ერთი უბრალო ბერიკაცი ვარ… წესივრად შეიძლება ზღაპარიც კი ვერ მოგიყვე… სათვალეც კი არ მიშველის ჩემი დაფსობილი თვალებით წიგნი წაგიკითხო… მაგრამ მე შენთვის ახალ ზღაპრებს დავწერ ბაბუ… მოვიფიქრებ და ზეპირად მოგიყვები… შენ სანამ მიხვდები რომ ბაბუაშენს კარგად წერა კითხვაც კი არ ეხერხება, მეყოლები კალთაში და მოგიყვები ჩემს გამოგონილ ზღაპრებს… მერე კი… მერე რად გინდა ბაბუ ჩემი ზღაპრები… თვითონ ისწავლი კითხვას და დაფრთიანდები… და მანამდე მე შეგაყვარებ ჩვენს დალოცვილ სოფელს… ჩვენს ანკარა წყაროებს… ჩვენს ბებერ მურას და ჩირივით ჩამომხმარ ბებოსაც კი… რომელსაც დღესაც ნინიკელას ვუძახი, თითქოს ის პატარა გოგო იყოს მე რომ პირველად ვნახე… შენ შეიძლება ისეთი კარგი გოგო დადგე, დაჩაჩანაკებულ ბებრებს წყალს არ გვაკლებდე, დაკარგულ ჯოხს მოგვირბენინებდე და მურას ყეფაზე გარეთ ჩემს ნაცვლად გახედავდე სტუმარს… შეიძლება ისეთი კარგიც იყო რომ ბაბუს თუთუნიც ამოურბენინო სოფლის კენკელა მაღაზიიდან… მაგრამ შეიძლება ისეც მოხდეს, რომ საერთოდ არცერთი ამ საქმეთაგანი არ დაივალო… შენ მაინც ბაბულიას გოგო იქნები… თვალხატულა და ჰაერივით სიფრიფანა…

 

ახლა შენს სიცხიან ქალაქში მოვდივარ ბაბუ… თან მომაქვს შენი პატარა ჩიტებით მოხატული აკვანი… ეს აკვანი საგანგებოდ შენთვის შევარჩიე… წესიერად თვლა რომ ვიცოდე დავთვლიდი კიდევ ბაბუ რამდენი აკვანი გამოვთალე და სულ რომ მეკითხებიან სოფელში ბერიკაცები ვუპასუხებდი კიდეც… მაგრამ მაგას რა მნიშვნელობა აქვს ბაბუ… რაც გამოვთალე და გავაკეთე ყველა სიყვარულით და სითბოთი მიკეთებია… სულ იავნანას დავამღერებდი ხოლმე და ასე მგონია ესმოდათ კიდეც ჩემი ამ დალოცვილებს… ანგელოზებისთვის ვაკეთებდი და ანგელოზები მეხმარებოდნენ… ისე მიხაროდა ბაბუ ჩემს ჭიშკართან რომ კაცი დაიძახებდა აკვანი უნდა შეგიკვეთოო, ეს ხომ ახალი სიცოცხლის დაბადებას ნიშნავდა… უკანასკნელი ძალა მოვიკრიბე რომ შენთვისაც ჩემი ხელით გამეკეთებინა ეს აკვანი… აბა ქალაქში ნაყიდი აკვანი ბაბუ რა იქნება… ქალაქში გაზრდილი ხეც არ ვარგა… სხვა მადლი აქვს ჩვენს ხეებს… შენს შვილიშვილებს ეყოფა ეს აკვანი ისეთი ხისგანაა გამოყვანილი… რამდენი შაირის მოყოლება ვიცი ხოლმე…

 

ახლა მატარებელი გუგუნით უახლოვდება დედაქალაქს… ჩემი გამოყრუებული დედაკაციც გვერდში მიზის… მეტი ჩვენ ვეღარ შევძლებთ მგონია რომ ჩამოვიდეთ ქალაქად… ესეც რომ არ იყოს მეთექვსმეტე სართულზე რა ამიყვანს კიდევ ერთხელ ბაბუ… სად შეუძლია ცაზე სიარული ჩვენს ბებერ მუხლებს… გენაცვალე შენ ბაბუ… შენ მომეცი ახლა ამის ძალა რომ ისევ დავდგომოდი ამ გრძელ და ხმაურიან გზას… ჩვენი ადესაც აქვე მიდევს და ალბათ მამაშენს ერთი სული აქვს ყელს როდის გაისველებს ჩვენებური ღვინით… კი იქნება ახლა ქეიფის ხასიათზე… ვარია შევწვით… აბა მანდ შემწვარი ქათამი რა მისართმევია სტუმრებისთვის… სულგუნიც კი გამოიყვანა თავისი მიმჭკნარი ხელებით ბებიაშენმა… და ზედ ჯვარი გამოსახა შენს სახელზე ბაბუ… შოთი პურები ვერ გამოვაცხვეთ მარა არ გეწყინოს… დაბერდა ბებიაშენი და ძალა აღარ აქვს… აპატიე ბაბუ.

ისე მიცემს გული ამ მატარებლის გუგუნშიც კი მესმის ხმა მკერდიდან… როდის გნახავ და შეგავლებ თვალს ჩემო თვალხატულა… აი გაჩერდა მატარებელი და ამ წერილის წერას თავს ვანებებ, იმდენი რამე მაქვს მოსაყოლი მაგრამ დამთავრდა გზა და არაა ჩემი ბრალი… არა უშავს ცოტას აქითობას მოგწერ ბაბუ კიდევ…“

 

ტკივილით და სევდით მაქვს ბაბუ გული სავსე… როგორღაც ამოვბობღდით მეთექვსმეტე სართულზე მე და ბაბებიაშენი, სული ძლივს ამოვიტანეთ… მარა რათ გინდა… ჩამაგვამწარა სიხარული დედაშენმა და მამაშენმა, მე იმ დახვედრას და მიღებას არ ვჩივი ბაბუ მაგენმა რომ იციან… რა ეშმაკი გამაჩერებს ამ ციხეში ძალიანაც რომ შემეხვეწონ… მაგრამ შენი კოცნის უფლება კი მქონდა ბაბუკელა… რამდენჯერ სიზმარში დამსიზმრებიხარ… რამდენჯერ წარმომიდგენია ეს დღე მაგრამ ამას როგორ ვიფიქრებდი… ბევრი რომ არ მოგაბეზრო თავი წუხელ შუაღამეზე დედაშენის და მამაშენის ჩხუბმა გამაღვიძა… ისეთი გაბრაზებული იყო დედაშენი თითქოს კეთროვნები ვყოლოდით სახლში, მამაშენს უჩიოდა რა უნდოდათ რომ ჩამოვიდნენ… ვერ მოესწრებოდნენ ჩვენს ჩასვლას და ნახვასო? ეს ეშმაკის მოგონილი აკვანი რომ ჩამოათრიეს სირცხვილით თავი სად გამოვყოო ახლა… რა დროს ასეთი სისულელეებია… მაგაში ჩავაწვენ ეხლა ჩემს ნანატრ შვილსო, მომაცილე თორემ ფანჯრიდან გადავაგდებ იცოდეო… მამაშენი კი ეუბნებოდა რაღაცას მაგრამ მე მეტი არაფერი გამიგონია… გული ხელით მეჭირა და გათენებას ასე დაველოდე… მოვკიდე დილას ხელი ჩემს დედაკაცს და აკვანს და უსიტყვოდ წამოვედი… ისიც კი ვერ მოვახერხე შენთვის მეკოცნა… წვერები გაგეპარსა მაინცო დედაშენმა… ვერ დავიმახსოვრე შენი სახე ბაბუ… რომ სიზმარში მაინც დამსიზმრებოდი… მე მანდ რა გამაჩერებდა… ვზივარ ახლა ამ ვაგონში და ვუსმენ ბებიაშენის ქვითინს, ვიღაცამ მკითხა შვილები არ გყავთო… დედაკაცმა იმთავითვე უპასუხა – არაო და გული ჩამწყდა… თითქოს მეხი დამეცა მკერდზე და ჩაიტანა ჩემი გულმკერდი ქვესკნელში… ამ აკვანს კი ვაჩუქებ სოფელში ვინმეს… თუ სადმე ერთი ბავშვი დაიბადება მაგრამ მე ხომ ის შენი სიყვარულით გავაკეთე… მინდოდა შენ დაგეძინა და ჩემი ლოცვა – მადლი დაგფენოდა სასთუმალთან ბაბუ… არასოდეს არ დაგავიწყდეს რომ ადამიანები მგლები არიან და ცხვრად ნუ მოაჩვენებ თავს თორემ შეგჭამენ ბაბუ… დაუნდობლად შეგჭამენ… მიყვარხარ ბაბუ… ნეტა ისეთი ქალი დადგებოდე ჩემს საფლავთან მოსული ამას ჩამომძახებდეს: „რა შვილიშვილი გაგეზარდა ამირანო…“ მაგრამ მე ორი პარასკევი მიკლია და ალბათ ორ პარასკევში ეს არ მოესწრება… უფალს ებარებოდე ჩემო მესისხლევ… გენაცვალოს შენი ბაბულია”

 

ეს წერილი რომ წავიკითხე დედაჩემი მძიმედ იყო ავად, არც კი ვიცი რატომ გადმომცა 20 წლის მერე, შესაძლოა სინანულის გამო… მაგრამ მე ვიცი რომ ასეთი საქციელი ადამიანს ოდესმე ახსენებს თავს და თვითგვემაში ვარდება… სწორედ ასე იყო დედაჩემიც… უკურნებელ სენს ებრძოდა მაგრამ ეს არაფერი იყო მისთვის… ცდილობდა ამქვეყნიური ცოდვები მოენანია და სულ ლოცვაში ატარებდა დღეებს… და როცა დედა აღარ იყო, მისგან დატოვებული ასეთი წერილი მივიღე:

,,ადამიანებს მხოლოდ ცხოვრება გვასწავლის ადამიანობას… შეხედე შენს თავს სარკეში, და რაც ჩემი მსგავსი დაინახო დაასამარე… წაშალე და დაივიწყე შვილო… შენს თვალებში აუცილებლად ნახავ ბაბუას სახეს… მის ლამაზ სულს და ეცადე ამ სულით იცხოვრო… გაგიჭირდება სიკეთით ცხოვრება, მაგრამ სჯობს შენ დაგიშავონ რამე ვიდრე სხვას ატკინო… არ მისცე თავს უფლება ჩემი გენი დაგეპატრონოს… ებრძოლე ჩემს ცუდს შენში შვილო… და ილოცე ჩემი სასტიკი სულისთვის… ილოცე გთხოვ.“

 

მას შემდეგ წლები გავიდა… როგორც იქნა ექიმის დიპლომი ავიღე და ოჯახიც შევქმენი… ისეთი ბედნიერი ვიყავი როცა გავიგე, რომ პატარას ველოდებოდი… მეუღლე სიხარულით ცას ეწვია, სახლის სხვენი გამოაღო… გამიკვირდა იქ რას ეძებს მეთქი… სხვენიდან დიდი რახარუხით რაღაც ჩამოიტანა კიბეზე… სახტად დავრჩი… მითხრა ჩვენი შვილი აკვანში უნდა გაიზარდოს როგორც ნამდვილი ქართველიო… მეც ამ აკვანში გავიზარდე და ჩემი შვილიც ასე იქნებაო, გამეცინა… რა დროს აკვანია საიდან მოიტანე, ან სად ნახეთქო… სიტყვა ბანზე ავუგდე… ოცდაშვიდი წლის წინ მამას და დედას, რომელიც ჩემზე ორსულად ყოფილა, მატარებელში ვიღაც მოხუცებთან უმგზავრიათ და იმათ უჩუქებიათო… გავშრი… მერე დიდხანს, გაგიჟებით ვკოცნიდი დამტვერილ… დაობებულ აკვანს და დროდადრო ტირილნარევი სიცილით ავხედავდი მეუღლის გაოცებულ თვალებს…


legion.ge-82-1553250819.jpg


#2 Share   გადავიდეთ ამ პოსტის ბმულზე
babu

babu

    უხუცესი ლეგიონერი


  • Find Topics
  • გამგეობის წევრი
  • 41726 პოსტი
  • მისამართი:tbilisi
  • წარმოშობა:guria

ბურთი გამეჩხირა ყელში. ეს ისტორია მოგონილი არაა. 

ჩემ ბავშვობაში მაქვს მოსმენილი. სოფელში ყვებოდნენ მოხუცები. ერთერთ მოხუცებულ წყვილს უწვალია , აკვანი გამოუთლია , ჩასულან ქუთაისში , იქიდან მატარებლით თბილისში და ....მოკლედ ის რაც წერია ამ მოთხრობაში ამ მოხუცებული წყვილის ისტორიაა. რაც გადახდათ თბილისში მგზავრობისას, როდესაც თავიანთი პატარა შვილიშვილის მოსანახულებლად წავიდნენ . მოკლედ  ყური მოვკარი ამ ისტორიას -   როცა პატარა ვიყავი და რაღაცნაირად ჩამრჩა მეხსიერებაში. არ ვიცი რატომ, მაგრამ რატომღაც პატარაობიდან მაქვს ჩარჩენილი მეხსიერებაში. 

ხო და ეხლა როდესაც მე თვითონ ვარ ბაბუა , ალბათ უფრო მტკივნეულია ჩემთვის. 

რამდენი დაკვირვება და ყურადრება სჭირდება ადამიანს რომ გული არ ატკინო შენს მოყვას და უბრალოდ სხვა ადამიანს. მითუმეტეს თუ ამ ადამიანს სიკეთე და სიყვარული ამოძრავებს შენს მიმართ.

მეტი გულის ხმიერება და კაცთ მოყვარეობა შეგვანარჩუნებინებს ადამიანებს ადამიანურ სახეს.


legion.ge-82-1553250819.jpg


#3 Share   გადავიდეთ ამ პოსტის ბმულზე
თემო ჩაინიკა :D 13

თემო ჩაინიკა :D 13

    ტრიბუნი


  • Find Topics
  • კანდიდატი
  • PipPipPipPipPipPip
  • 767 პოსტი
  • მისამართი:tbilisigeorgia
ეს ის მომენტია როდესაც ვკითხულობ თვალზე ცრემლი მადგება და არ ვიცი რა ვთქვა ძალიან მაგარი ამბავია :(

#4 Share   გადავიდეთ ამ პოსტის ბმულზე
თემო ჩაინიკა :D 13

თემო ჩაინიკა :D 13

    ტრიბუნი


  • Find Topics
  • კანდიდატი
  • PipPipPipPipPipPip
  • 767 პოსტი
  • მისამართი:tbilisigeorgia
ეს ის მომენტია როდესაც ვკითხულობ თვალზე ცრემლი მადგება და არ ვიცი რა ვთქვა ძალიან მაგარი ამბავია :(

#5 Share   გადავიდეთ ამ პოსტის ბმულზე
თემო ჩაინიკა :D 13

თემო ჩაინიკა :D 13

    ტრიბუნი


  • Find Topics
  • კანდიდატი
  • PipPipPipPipPipPip
  • 767 პოსტი
  • მისამართი:tbilisigeorgia
ეს ის მომენტია როდესაც ვკითხულობ თვალზე ცრემლი მადგება და არ ვიცი რა ვთქვა ან რა დავწერო :(

#6 Share   გადავიდეთ ამ პოსტის ბმულზე
თემო ჩაინიკა :D 13

თემო ჩაინიკა :D 13

    ტრიბუნი


  • Find Topics
  • კანდიდატი
  • PipPipPipPipPipPip
  • 767 პოსტი
  • მისამართი:tbilisigeorgia
დიდი ბაბუა მყავდა უაღრესად კეთილშობილი და უგანათლებულესი ადაიანი რომელიც ძალიან მიყვარდა სულ მიხაროდა მისი ნახვა და მოსმენა სულ კითხულობდა და სულ ცდილობდა ჩემთვისაც ესწვლებინა რაღაცები მაგრან დრომ და სიბერემ არ დაგცვალა ერთმანეთის დიდი სიყვარული სულ იმას იძახდა შვილო სანმ დრო გაქვს ისწავლე არასდროს არავის აწყენინო და მოუფრთხილდი იმას რაც გაქვსო. ერთ ერთი წიგნის პერსონაჟსაც კი მამსგავსებდა ;კაპიტანა" ასე ერქვა დამეც 25 წელია უკვე კაპიტანას მეძახიან მეტსახელს. და ჩემ პატარა ვაჟკაცსაც პატარა გიოს მისი სახელი ქვია და სულ იმას ვიძახი რომ მინდა ისეთი ვაჟკაცი ავღზარდო როგორც ჩემი დიდი ბაბუა იყო. და ბედნიერი ვარ რომ მე იმ ადამიანს ვიცნობდი. მაგრამ ბევრიც ვაწყენინე მაგრამ დღემდე ვნანობ ამიტომ ყველამ დადასეთ და გიყვარდეთ წინაპარი. ტრადიციებს ეცით პატივი და მშობლებს . ❤❤

#7 Share   გადავიდეთ ამ პოსტის ბმულზე
დოკი

დოკი

    კანდიდატუსი


  • Find Topics
  • კანდიდატი
  • PipPipPipPipPipPipPip
  • 1163 პოსტი
  • წარმოშობა:გლდანი :)

ვახ ჩემი....

ბოლო აბზაცამდე მედგრად ვიდექი :(

წავიღებ ამას ბაბუ შენი ნებართვით ფეისზე დავდებ, ეგებ უფრო მეტმა ნახოს და სულ ოდნავ მაინც დაფიქრდნენ ამ ცხოვრებაზე....



#8 Share   გადავიდეთ ამ პოსტის ბმულზე
დოკი

დოკი

    კანდიდატუსი


  • Find Topics
  • კანდიდატი
  • PipPipPipPipPipPipPip
  • 1163 პოსტი
  • წარმოშობა:გლდანი :)

უი დაგიდია ფეისზე, იქიდან გადავაზიარე :)



#9 Share   გადავიდეთ ამ პოსტის ბმულზე
mtiuli_1

mtiuli_1

    მაგისტრი


  • Find Topics
  • პრეტორიანელი
  • 2251 პოსტი
  • მისამართი:თბილისი
  • წარმოშობა:გუდამაყარი
ბოლომდე ვერ წავიკითხე. რას გვერჩი ბაბუ რა გინდა რას გვატირებ ამხელა ხალხს?

#10 Share   გადავიდეთ ამ პოსტის ბმულზე
nikala1992

nikala1992

    ტრიბუნი


  • Find Topics
  • ლეგიონერი
  • PipPipPipPipPipPip
  • 406 პოსტი
  • მისამართი:varketili 3 masivi shuamtis qucha
  • წარმოშობა:qartveli
ვაა ბაბუ მართლა ისეთი ამბავია ცრემლის გარეშე ვერ წაიკითხავ

#11 Share   გადავიდეთ ამ პოსტის ბმულზე
levani toklikishvili

levani toklikishvili

    კანდიდატუსი


  • Find Topics
  • კანდიდატი
  • PipPipPipPipPipPipPip
  • 1088 პოსტი
  • მისამართი:ქ.თბილისი, ვაჟა ფშაველა, 7კვარტალი
  • წარმოშობა:კახეთი
ვაუუუუ. ასეთ ფინალს არ ველოდი. სიტყვები არბმყოფნის, ბრავო

#12 Share   გადავიდეთ ამ პოსტის ბმულზე
გიორგი ლომთაძე

გიორგი ლომთაძე

    კონსული


  • Find Topics
  • პრეტორიანელი
  • 5692 პოსტი
  • მისამართი:თბილისი, ნაფარეულის 9
  • წარმოშობა:რაჭველი

საოცარია <3 <3

 

 

ემოციის გარეშე ნამდვილად ვერ წაიკითხავ და აუცილებლად დაგაფიქრებს,

 

ბაბუკო<3



#13 Share   გადავიდეთ ამ პოსტის ბმულზე
babu

babu

    უხუცესი ლეგიონერი


  • Find Topics
  • გამგეობის წევრი
  • 41726 პოსტი
  • მისამართი:tbilisi
  • წარმოშობა:guria

სანთელ საკმეველიო....


legion.ge-82-1553250819.jpg






0 წევრი ათვალიერებს ამ თემას

0 წევრი, 0 სტუმარი

0%
მზადდება მინიატურა
ატვირთვის შეწყვეტა

ატვირთული ვიდეოს ბმული ჩავსვათ პოსტში?