გლუვი ლულის მოვლა და თავისებურებები
ნაწილი 1
ლულა, ნებისმიერი იარაღის ძირითადი ნაწილია, მისგან ხდება ჭურვის (საფანტი,ტყვია და ა.შ.) გატყორცნა, მისი დანიშნულებაა უზრუნველყოს სასროლი მასალის ფრენის მდგრადობა და სიზუსტე სასურველი მიმართულებით. ლულები არსებობს ძირითადათ გლუვი და ხრახნიანი. ამ პოსტების სერიით შევეცდები წარმოგიდგინოთ გლუვი ლულა, მთელი თავისი სიგრძე-სიგანით...
გლუვლულიანი სანადირო იარაღი დიდხანს რომ გემსახუროთ, აუცილებელია სათანადოთ მოუაროთ მას... თუ ახლის ყიდვის შემთხვევაში მისი ლულები იდეალურათ გამოიყურება, დროთა განმავლობაში (ხმარების შემთხვევაში) ის წმენდას საჭიროებს, რაც უფრო სისტემატიურად გააკეთებთ ამას, მით უკეთესი.
რამდენიმე წესი ექსპლუატაციის შესახებ:
1. ნებისმიერი გადახრა ინსტრუქციიდან, თუ როგორ და რა მასალით დავტენოთ ვაზნები, ანდა ქარხნულის შემთხვევაში შეუსაბამო ვაზნების ხმარება იარაღში, აუცილებლათ მიგიყვანთ უარყოფით შედეგამდე, იარაღის მწყობრიდან გამოსვლის სახით.
2. არასოდეს შეურიოთ ერთმანეთში სხვადასხვა სახის დენთი, მითუმეტეს თუ ისინი განსხვავდება კლასიფიკაციით, მაგ: დენთი კვამლის გარეშე და პირიქით.
3. არასოდეს გამოიყენოთ ფოლადის საფანტი, თუ მისი იარაღში ხმარება ქარხნულად არ არის რეკომენდირებული. ინსტრუქციაში ამის შესახებ აუცილებლათ უნდა იყოს მითითებული, ხშირად ასეთ ლულებზე სპეციალური დამღაა დატანილი, რომელიც მიგვანიშნებს, რომ ფოლადის საფანტის გამოყენება დაშვებულია. ფოლადის საფანტისთვის განკუთვნილი ლულების სავაზნეების ზომებიც განსხვავებულია და მისი ლულების შევიწროვებაც, საცვლელი იქნება ისინი თუ ინტეგრირებული, არა აქვს მნიშვნელობა.
4. ნადირობის წინ აუცილებლათ გასინჯეთ ყველა ვაზნა შესაბამისი ყალიბის სპეციალური რგოლის მეშვეობით, ანდა უბრალოთ იარაღის სავაზნეში ჩადეთ სათითაოდ ყველა ვაზნა და დარწმუნდით: არც ძალიან თავისუფლად უნდა ჩადიოდეს ისინი და არც ძალიან მჭიდროთ. ამ ფაქტორს დიდი მნიშვნელობა აქვს თქვენივე უსაფრთხოებისთვის.
5. ნადირობის წინ ასევე აუცილებელია: მშრალი ქსოვილის ნაჭრით მოაშორეთ ლულის შიდა არხიდან ზეთი (საპოხი მასალა) რომელსაც წმენდისას იყენებთ რათქმაუნდა. გასროლისას ზეთი იწვება და რჩება ლულის არხზე ნადებათ, რაც შემდეგ წმენდასაც გაართულებს და სროლის შემდეგ გახურებული ნადები ლულის არხს აზიანებს მოლეკულურ დონეზე, რაც შემდეგ კოროზიის მიზეზი შეიძლება გახდეს.
6. წმენდისას ლულას არ მიაკაროთ აგრესიული ქიმიური საწმენდი საშუალებები, ზოგი ფიქრობს, რომ ფოლადს ყველანაირი ზეთი ადგება. აქაც რეკომენდირებული სითხე იხმარეთ და ექსპერიმენტებს მოერიდეთ. ერთი პატარა ლულის არხის დაზიანება შემდეგში გამოიწვევს გამოუსწორებელ შეუქცევად უარყოფით შედეგს, ღრმულების და კოროზიის სახით.
ეს არასრული ჩამონათვალია იმ წესების, რომელიც აუცილებლათ გასათვალისწინებელია იარაღის ექსპლუატაციის პირობებში, რათა არ გამოვიდეს იგი მწყობრიდან და პირნათლად გვემსახუროს...
გაგრძელება იქნება...
ჩამსწორებელი babu, 05 September 2019 - 12:02 AM.