როგორ ავირჩიოთ სანადირო იარაღი?
იმას,ვისაც სურს თავისი თავი მონადირის რანგში იხილოს,თავიდან ელოდება დიდი და რთული გზის გავლა,სავსე დამღლელი მოლოდინებით.
ადრე იყო ასე: თავიდან იღებდი მონადირის ბილეთს,ანუ ლიცენზიას,რომ გენადირა ნადირ-ფრინველზე,შემდეგ იღებდი ნებართვას,რომ იარაღის შეძენის უფლება გქონოდა. ახლა ეს ყველაფერი ბევრად გაიოლდა და მხოლოდ ,,ფსიხო'' დაგჭირდებათ,რომ ამ ყველაფერზე მოიპოვოთ უფლება (ჩემი სუბიექტური აზრია,რომ ყველას არ უნდა ქონდეს ნადირობის და იარაღის შეძენის უფლება). და აი დგება ნანატრი დრო,როცა უნდა წახვიდე იარაღების მაღაზიაში და შეიძინო ის,რაზეც დიდი ხანია ოცნებობ. ზუსტად აქ იმალება ყველაზე დიდი საშიშროება,მოუთმენლობამ შეიძლება ბოროტად გეხუმროთ და სიჩქარეში შეძენილი იარაღი არ აღმოჩნდეს ის,რაც სინამდვილეში გინდოდათ. ეს შეცდომა შეიძლება გამოიწვიოს კონსულტანტის(იარაღის გამყიდველის) არაკომპეტენტურობამ,ან მეგობრების სუბიექტურმა რჩევამ და ა.შ. ბევრი ფაქტორი არსებობს ამ შეცდომის პროვოცირებისთვის.
ჩემი რჩევა იქნება,თუ საკუთარი აზრი არ გაგაჩნიათ,მაშინ ჯობია საერთოდ არ კითხოთ არავის რა შეიძინოთ და რომელი იარაღი ჯობია,მითუმეტეს სოც. ქსელებში თავბრუს დაგახვევენ იმდენ აზრს მოისმენთ და ბოლოს მაინც ვერ გაიგებთ რომელია უკეთესი. ჯობია ძალიან ბევრი ინფორმაცია მიიღოთ სხვადასხვა ოფიციალური საიტებიდან და თქვენ თვითონ განსაზღვროთ რა გჭირდებათ,რადგან ყველა იარაღი ინდივიდუალურია და არა სრულყოფილი.
ეს ძირითადად ეხება ახალბედა (დამწყებ) მონადირეებს,რომლებმაც არ იციან,რომ სანადირო იარაღის სწორად არჩევა - ერთ-ერთი მთავარი ეტაპი და წინაპირობაა იმის,რომ თქვენი ახალი გატაცება მოგიტანთ მხოლოდ პოზიტიურ შეგრძნებებს და სიხარულს. ეს იგივეა,როგორც პირველი სიყვარული - გააკეთეთ ყველაფერი სწორად და შემდეგ ყოველთვის სასიამოვნო მოგონებები გექნებათ პირველ გამოცდილებასთან დაკავშირებით. შეცდებით? - დაგეუფლებათ არასასიამოვნო იმედგაცრუება,რომელმაც შეიძლება სულაც ჩამოგაშოროთ ახლად არჩეულ საქმიანობას. გაგრძელება იქნება...
ჩამსწორებელი babu, 09 September 2019 - 11:53 AM.