Jump to content


ამ თემას აქვს 5 გამოხმაურება

#1 Share   გადავიდეთ ამ პოსტის ბმულზე
babu

babu

    უხუცესი ლეგიონერი


  • Find Topics
  • გამგეობის წევრი
  • 42893 პოსტი
  • მისამართი:tbilisi
  • წარმოშობა:guria
ატლანტური ზუთხი

36332906.jpg

 

 

atlanturi_zutxi.gif

აღწერა. ზურგის ფარფლში სხივი 31-46, ანალურში 22-32, ფარეკლები: ზურგისა 9-15, გვერდისა 24-36, მუცლისა 9-12(14). ლაყუჩის კბილაკები 18-25. ქვედა ტუჩი შუაზეა გაყოფილი. ულვაშები სადა, განწყობილია პირსა და დინგის ბოლოს შორის, ახალგაზრდებში მდებარეობს პირთან უფრო ახლოს. დინგი წაგრძელებულია, მახვილი. მკერდის ფარფლის სხივეკალი ძლიერია. სხეულია ზურგისა და გვერდების ფარეკლებს შორის დაფარულია 10-12 მწკრივად განლაგებული რომბული ფირფიტებით, რომლებიც ზოგიერთ ახალგაზრდა ინდივიდს არა აქვს. სიგრძე 3,5 მ-მდეა, წონა 300 კგ-ზე მეტი. ჩვეულებრივ გვხვდება უფრო პატარა.

 

 

გავრცელება. ბინადრობს შავ ზღვაში საქართველოს სანაპიროებთან. შედის მდინარე რიონში, შესაძლებელია ენგურშიც. საქართველოს გარეთ საბჭოთა კავშირში მოიპოვება შავი ზღვის ანატოლიის სანაპიროებთან და იქ ჩამავალ მდინარეებში (ყიზილ-ირმაკი, ეშილ-ირმაკი), ყირიმის სანაპიროებთან, ოდესასთან, დუნაის დელტასთან, ლადოგის ტბაში, სხვაგან ცნობილია შავი ზღვის რუმინეთის და ბულგარეთის სანაპიროებთან, ატლანტიის ოკეანის ჩრ. ნაწილში, ევროპისა და ამერიკის სანაპიორებთან. აგრეთვე ბალტიისა და ხმელთაშუა ზღვებში. ეს სახეობა ამჟამად მსოფლიოში საკმაოდ შემცირებულია, შედარებით მრავლადაა შემონახული შავი ზღვის საქართველოს სანაპიროებში მდ. რიონის პოპულაციის სახით.
ბიოლოგია. ზღვის ბინადარი, გამსვლელი თევზია. გასამრავლებლად შედის მდინარეებში. ტიპობრივი მტაცებელია. იკვებება ძირითადად წვრილი თევზით, უმეტესად ქამსათი, რის სახითაც შავ ზღვაში მას მდიდარი საკვები ბაზა გააჩნია, იკვებება აგრეთვე ცხოველური ბენთოსით - ჭიებით, კიბოსნაირებით, ლოკოკინებით და სხვა ორგანიზმებით.

ატლანტური ზუთხის რიონის პოპულაციის ინდივიდები სწრაფად მზარდია.

მამალი სქესობრივად მწიფდება 7-12 წლიდან, დედალი 8-14 წლიდან. ტოფობისათვის მდინარე რიონში შესვლას იწყებს აპრილის ბოლოს, უმეტესად მაისში, წყლის 12-17,50 ტემპერატურის დროს; მდინარეში შესვლა გრძელდება ივლისამდე; მისი სატოფე ადგილები მდებარეობს შესართავიდან 110-115 კმ-ზე, სამტრედიასთან და ზევით ახალსოფლამდე, მდ. ენგურში ადის სოფელ ჯვარამდე. ტოფობს მაისიდან აგვისტომდე წყლის 10-200 ტემპერატურისას. ნაყოფიერება აღწევს 0,2-5,7 მილიონ ქვირითამდე. ქვირითი წებოვანია, ეკვრის ქვებსა და სხვა საგნებს, მისი დიამეტრი უდრის 2,6-3 მმ-ს, ინკუბაცია გრძელდება 3-13 დღე-ღამემდე, წყლის ტემპერეატურის მიხედვით. ახალგამოჩეკილი ლარვა აღწევს 9,3-11 მმ-ს. ყვითრის შეწოვა გრძელდება ორ კვირამდე, რის შემდეგ ლიფსიტები გადადიან დამოუკიდებელ კვებაზე. მწარმოებლები ტოფობის შემდეგ მალე ეშვებიან ზღვისკენ, არც ლიფსიტები ჩერდებიან მდინარეში დიხანს, ჩადიან ზღვაში შემოდგომისათვის.

სამეურნეო მნიშვნელობა. ძვირფასი სარეწაო თევზია. საქართველოში 1936-1939 წლების ცნობებით წლიურად იწერდნენ 25 ცენტნერამდე. ამჟამად მისი ჭერა აკრძალულია დაცვისა და მომრავლებისათვის. ტარდება აგრეთვე ღონისძიება ამ თევზის ხელოვნური მოშენებისათვის. მისი მოპოვება მსოფლიო მასშტაბით აღწევდა 1300 ცენტნერამდე (1936-1939 წ).
იჭერენ უმეტესად მდინარეში შესვლის დროს ჩასადგმელი, მცურავი, მოსასმელი, სათრევი ბადეებით, ადრე იჭერდნენ ჩანგლებითაც.
იყენებენ უმთავრესად ნედლს, ქვირითისაგან მზადდება შედარებით დაბალი ხარისხის ხიზილალა.


legion.ge-82-1553250819.jpg


#2 Share   გადავიდეთ ამ პოსტის ბმულზე
babu

babu

    უხუცესი ლეგიონერი


  • Find Topics
  • გამგეობის წევრი
  • 42893 პოსტი
  • მისამართი:tbilisi
  • წარმოშობა:guria

ანოტაცია:

მაქსიმალური სიგრძე 3-5 მ-მდეა. წონა 20-84 კგ-მდე. ასაკი 12-25 წელი, იშვიათად 100 წლამდე. მტკნარი და მარილიანი წყლის ბინადარია. ჩვეულებრივ 5-60 მ-სიღრმეზე. 
მტაცებელია, იკვებება უმეტესად თევზებით.გავრცელებულია შავი ზღვის სამხრეთ-აღმოსავლეთ ნაწილსა და მიმდებარე მდინარეებში, დღეისათვის შემორჩენილია რიონის აუზში. გავრცელებული იყო აღმოსავლეთ ატლანტიდაში: ჟირონდა-გარონე-დორდონეს აუზში, ხმელთაშუა ზღვის ჩრდილო სანაპიროზე, მაროკოში. ასევე არის მონაცემები ისლანდიიდან. წარსულში ფართოდ იყო გვარცელებული ევროპის ყველა სანაპიროზე. ნაპოვნია ონეგისა და ლადოგის ტბებში. გადაშენების საშიშროების წინაშე დგას. 
ძვირფასი სარეწაო მნიშვნელობის თევზია. შეტანილია საქართველოს წითელ წიგნსა და წითელ ნუსხაში, ბერნის კონვენციის (დაცული ფაუნა) III დანართში, CITES I, 29.7.83-დან და CMS-ის II დანართებში. რელიქტია.

ოჯახი: Acipenseridae Bonaparte, 1831 - ზუთხისებრნი 

გვარი: Acipenser Linnaeus,  1758 - ზუთხები 

სახეობა: Acipenser sturio Linnaeus, 1758 - ატლანტური ზუთხი - ფორონჯი  

მოპოვებულია შავ ზღვაში, ფოთი, 6.10.1979 წელს


legion.ge-82-1553250819.jpg


#3 Share   გადავიდეთ ამ პოსტის ბმულზე
სტუმარი_devi_*

სტუმარი_devi_*

  • Find Topics
  • სტუმარი


#4 Share   გადავიდეთ ამ პოსტის ბმულზე
babu

babu

    უხუცესი ლეგიონერი


  • Find Topics
  • გამგეობის წევრი
  • 42893 პოსტი
  • მისამართი:tbilisi
  • წარმოშობა:guria

რიონში შემოდისო ...ფოთთან...


legion.ge-82-1553250819.jpg


#5 Share   გადავიდეთ ამ პოსტის ბმულზე
გუგა

გუგა

    დიდი მაგისტრი


  • Find Topics
  • ლეგიონერი
  • PipPipPipPipPipPipPipPipPipPipPipPip
  • 19367 პოსტი
  • მისამართი:Tbilisi, Petriashilis 13
  • წარმოშობა:guria

მართლა კახა თუ ხუმრობ?



#6 Share   გადავიდეთ ამ პოსტის ბმულზე
babu

babu

    უხუცესი ლეგიონერი


  • Find Topics
  • გამგეობის წევრი
  • 42893 პოსტი
  • მისამართი:tbilisi
  • წარმოშობა:guria

მართლა კახა თუ ხუმრობ?

 

.

.

ატლანტური ზუთხი

 

 

 

atlanturi_zutxi.gif

..

გავრცელება. ბინადრობს შავ ზღვაში საქართველოს სანაპიროებთან. შედის მდინარე რიონში, შესაძლებელია ენგურშიც. საქართველოს გარეთ საბჭოთა კავშირში მოიპოვება შავი ზღვის ანატოლიის სანაპიროებთან და იქ ჩამავალ მდინარეებში (ყიზილ-ირმაკი, ეშილ-ირმაკი), ყირიმის სანაპიროებთან, ოდესასთან, დუნაის დელტასთან, ლადოგის ტბაში, სხვაგან ცნობილია შავი ზღვის რუმინეთის და ბულგარეთის სანაპიროებთან, ატლანტიის ოკეანის ჩრ. ნაწილში, ევროპისა და ამერიკის სანაპიორებთან. აგრეთვე ბალტიისა და ხმელთაშუა ზღვებში. ეს სახეობა ამჟამად მსოფლიოში საკმაოდ შემცირებულია, შედარებით მრავლადაა შემონახული შავი ზღვის საქართველოს სანაპიროებში მდ. რიონის პოპულაციის სახით.
ბიოლოგია. ზღვის ბინადარი, გამსვლელი თევზია. გასამრავლებლად შედის მდინარეებში. ტიპობრივი მტაცებელია. იკვებება ძირითადად წვრილი თევზით, უმეტესად ქამსათი, რის სახითაც შავ ზღვაში მას მდიდარი საკვები ბაზა გააჩნია, იკვებება აგრეთვე ცხოველური ბენთოსით - ჭიებით, კიბოსნაირებით, ლოკოკინებით და სხვა ორგანიზმებით.


legion.ge-82-1553250819.jpg






0 წევრი ათვალიერებს ამ თემას

0 წევრი, 0 სტუმარი

0%
მზადდება მინიატურა
ატვირთვის შეწყვეტა

ატვირთული ვიდეოს ბმული ჩავსვათ პოსტში?