მონაწილეებს გთხოვთ დეტალურად გაეცნოთ შეჯიბრის წესდებას !
კლუბი "ლეგიონი"-ს ეგიდით ტარდება შიდა საკლუბო საგაზაფხულო შეჯიბრი.
სროლის დისციპლინა : სპორტინგი (თიხის მოძრავ სამიზნეებზე სროლა, ნადირობის იმიტაცია)
შეჯიბრში მონაწილეობა ნებადართულია სანადირო თოფის ტარების უფლების მქონე ყველა კლუბის წევრისთვის.
შეჯიბრი გაიმართება შაბათს, 2021 წლის 24 აპრილს, ლისის ტბის მიმდებარე ტერიტორიაზე.
შეკრების ადგილი ლისის ტბის მიმდებარე ავტოსადგომი 09:00
ყველანი რომ შეგროვდებით ერთ ერთი ოგანიზატორი გაგიძღვებათ სასროლეთამდე...
- რეგისტრაცია დაიწყება დილის 09:30 საათზე, ხოლო შეჯიბრი 10:00-ზე. ყველა მსროლელი ვალდებულია რეგისტრაციის დასრულებამდე გამოცხადდეს შეჯიბრის ჩატარების ადგილზე.
- მონაწილეები ესვრიან 25 მოძრავ სამიზნეს, თითო "თეფშზე" თითო გასროლის უფლებით. გაიმარჯვებს ის მსროლელი, ვინც სხვა მონაწილეებზე მეტ მოძრავ სამიზნეს დააზიანებს.
-სროლა განხორციელდება 4 სასროლ პოზიციაზე
1) მარჯვნიდა გასული თეფში (5 თეფში)
2) მაცხნიდან გასული თეფში (5 თეფში)
3) თავზე წამოსული თეფში (5 თეფში)
4) დუპლეტი (10 თეფში)
-თანაბარი ქულების შემთხვევაში დაინიშნება გადასროლა გამარჯვებულის გამოსავლენად. თანაბარ ქულიანი მონაწილეები შეასრულებენ დამატებით სროლას პირველ აცდენამდე.
- შეჯიბრში მონაწილეობას მიიღებს მაქსიმუმ 25 წევრო, რომელიც პირველი ჩაეწერება სიაში.
- შეჯიბრში მონაწილეობის მიღების მსურველი ორგანიზატორის მიერ მიწოდებული ვაზნებით შეასრულებს გასროლას.
- შეჯიბრში მონაწილეობის საწევრო შეადგენს 30 ლარს.
- შეჯიბრში მონაწილეობის მიღებას შეძლებენ მხოლოდ ის მსურველები რომლებიც წინასწარ ჩაეწერებიან სიაში 23 აპრილამდე!
- გამარჯვებულებს გადაეცემათ დიპლომები და მედლები ხოლო პირველ ადგილზე გასულს გადაეცემა ლეგიონის გარდამავალი თასი
შეჯიბრზე მოქცევის წესები:
1) ყველა მონაწილე უნდა დაემორჩილოს მთავარ მსაჯს , თანამსაჯებსა და ორგანიზატორებს , მთავარი მსაჯის მიმართ დაუმორჩილებლობა და უსაფრთხოების წესების უხეშად დარღვევა დაისჯება დისკვალიფიკაციით.
2) ყველა მონაწილე თუ გულშემატკივარი რომელიც არ იმყოფება მსროლელის პოზიციაზე ვალდებულია გადაადგილდებოდეს განმუხტული იარაღით, შესაბამისად ორლულიანი თოფები უნდა იყოს გადახსნილი, ნახევარავტომატური თოფების
"რესივერი" უნდა იყოს გადაწეული, რათა ყვლასათვის თვალსაჩინო იყოს,რომ ღონისძიებაზე მონაწილე პირის თოფი არ არის დამუხტული!
3) თოფის ლულები აუცილებლად უნდა იყოს მიმართული ვერტიკალურად (გარდა ორლულიანებისა თუ ისინი გადასხნილ მდგომარეობაში არიან) სანამ მონაწილე არ დადგება სროლისთვის განკუთვნილ პოზიციაზე.
4) შეჯიბრის მონაწილესათვის განკუთვნილ თოფზე აუცილებლად უნდა იყოს მოხსნილი სათოფე ქამარი.
5) შეჯიბრის ყველა მონაწილე და მაყურებელი ვალდებულია დაიცვას სიჩუმე სასროლეთზე და ხელი არ შეუშალოს მსროლელს! ნასვამ მდგომარეობაში არც მონაწილე და არც მაყურებელი არ დაიშვება ღონისძიებაზე ! წესების დამრღვევ მაყურებელ–გულშემატკივარზე პასუხისმგებლობა ეკისრება იმ მონაწილეს, რომელსაც თან ახლავს.
მსაჯობა (ზუსტი გასროლის ჩათვლა/არჩათვლა და გადასროლის პირობები)
*თეფშზე ზუსტ გასროლად ჩაითვლება თუ:
1) თეფში სრულად დაიმტვრევა
2) თეფშს მოტყდება აშკარა, თვალსაჩნო ნატეხი
3) თეფშს გასროლის შედეგად აშკარად შეეცვლება მიმართთულება
ასეთ შემთხვევებში დაიწერება 1 ქულა. სხვა ნებისმიერ შემთხვევებში დაიწერება - 0 (აცდენა).
ქულის ჩათვლა-არჩათვლის საკითხს წყვეტს მთავარი მსაჯი. მსროლელის მიერ გასაჩივრების შემთხვევაში, მთავარი მსაჯის გადაწყვეტილება გადაიხედება სათადარიო მსაჯის(ების) მიერ.
გადასროლა თოფის გაუმართავობისას:
იმ შემთხვევაში, თუ გასროლა ვერ მოხერხდება მსროლელისთვის საპატიო მიზეზით, კერძოდ - თოფის გაუმართაობისას (მაგალითად ნახევრად ავტომატურმა თოფმა თუ ვაზნა ვერ გადატენა) პირველ ჯერზე მსროლელს ეპატიება და დაინიშება გადასროლა.
გადასროლა მოხდება შემდეგი სახით:
თითო თეფშზე - გადასროლა
„სასიგნალო“ დუპლეტზე პირველ თეფშზე არშემდგარი გასროლა - გადასროლა
„სასიგნალო“ დუპლეტზე , მეორე თეფშზე არეშემდგარი გასროლა - გადასროლა ,პირველი თეფშზე გასროლის შედეგი ითვლება ( მორტყმის შემთხვევაში 1 ქულა აცდენა -0 )
თოფის გაუმართაობის მიზეზით არგასროლა მსროლელს ეპატიება 2-ჯერ. თუ მსგავსი განმეორდა მესამეჯერაც, მაშინ:
„სასიგნალო“ დუპლეტზე პირველ თეფზე არშემდგარი გასროლა- იწერება ორი 0 ანუ ორი აცდენა
„სასიგნალო“ დუპლეტზე , მეორე თეფშზე არშემდგარი გასროლა - პირველ თეფშზე გასროლის შედეგი ითვლება, მეორე თეფშზე იწერება - 0
გადასროლა დაინიშნება ასევე შემდეგ სიტუაციებში:
-თუ თეფშის სასროლი აპარატიდან გამოვა გატეხლილი თეფში
-თუ თეფში გამოვა არასწორი აპარატიდან (დაუგეგმავი)
- თუ ერთი აპარატიდან მიყოლებით ორი თეფში გამოვა
-თუ მასჯმა გადაწყვიტა, რომ თეფში გამოვიდა აშკარად წინა თეფშებისგან განსხვავებული არასწორი ტრაექტორიით .
- თუ თეფში გამოვიდა მსროლელის მოთხოვნიდან (სიგნალიდან) 3 წამის გასვლის შემდგომ
-თუ თეფში გამოვიდა მსროლელის მთხოვნის (სიგნალის) გარეშე
- თუ გასროლის შედეგი არის სადაო მთავარი მსაჯისთვის, შესაბამისად თუ ის დანამდვილებით ვერ იღებს გადაწყვეტილებას.
- თუ მთავარი მსაჯი გადაწყვეტს, რომ მსროლელს აშკარად ხელი შეუშალეს ან შეეშალა რამე გარე ფაქტორისდა გამო.
- ორგანიზატორების მიერ მიწოდბული ვაზნის გაუმართაობის შემთხვევაში. (თუ აშკარად ვერ მოხდება სრული წვა ან ვაზნა საერთოდ არ გავარდება)
ზემოთაღნიშნულ სიტუაციებში მოხება შემდეგი:
თითო თეფშზე - გადასროლა
„სასიგნალო“ დუპლეტის პირევლ თეფშზე - გადასროლა
„სასიგნალო“ დუპლეტის მეორე თეფშზე - გადასროლა , პირველი გასროლის შედეგი ჩაითვლება.
არასაპატიო მიზეზით არშემდგარი გასროლის შემთხვევაში, (მაგალითად თუ მსროლელს თოფის ჩამკეტი ღია დარჩა) იწერება 0 ყოველ აცდენილ თეფშზე.
შენიშვნა - „სასიგნალო“ დუპლეტი არის ორი სხვადასხვა აპარატიდან გამოშვებული თეფშები. ერთ თეფშზე გასროლა არის სიგნალი მეორე თეფშის გამოშვების, მეორე თეფში გამოდის პირველი გასროლიდან 0-3 წამის განმავლობაში
„სასიგნალო“ დუპლეტის გარდა შესაძლოაა შეჯიბრებაზე „ნამდევილი“ (სინქრონული) დუპლეტიც იყოს. „ნამდვილი დუპლეტი ნიშნავს ორი სხვადასხვა ან ერთი და იგივე აპარატიდან ერთდროულად გამოშვებულ ორ თეფშს.
"სინქრონულ" დუპლეტზე მსროლელის ბრალით (არასაპატიო მიზეზით) რომელიმე თეფშზე არმომხარი გასროლის შემთხვევაში იწერება ორი 0.
"სინქრონულ დუპლეტზე" გადასროლა დაინიშნება შემდეგ სიტუაციებში:
-თუ თეფშის სასროლი აპარატიდან გამოვა გატეხლილი თეფში
-თუ თეფშები ერთდროულად არ გამოვა აპარატ(ებ)იდან.
-თუ მასჯმა გადაწყვიტა, რომ თეფში გამოვიდა აშკარად წინა თეფშებისგან განსხვავებული არასწორი ტრაექტორიით.
- თუ თეფშები გამოვიდა მსროლელის მოთხოვნიდან (სიგნალიდან) 3 წამის გასვლის შემდგომ.
-თუ თეფში გამოვიდა მსროლელის მთხოვნის (სიგნალის) გარეშე.
- თუ გასროლის შედეგი არის სადაო მთავარი მსაჯისთვის, შესაბამისად თუ ის დანამდვილებით ვერ იღებს გადაწყვეტილებას.
- თუ მთავარი მსაჯი გადაწყვეტს, რომ მსროლელს აშკარად ხელი შეუშალეს ან შეეშალა რამე გარე ფაქტორისდა გამო.
- ორგანიზატორების მიერ მიწოდბული ვაზნის გაუმართაობის შემთხვევაში. (თუ აშკარად ვერ მოხდება სრული წვა ან ვაზნა საერთოდ არ გავარდება)
ზემოთაღნიშნულ სიტუაციებში მოხება შემდეგი:
მოხდება გადასროლა და თუ მოხდა ერთ-ერთ ან ორივე თეფშზე გასროლა, გასროლის შედეგი არ ჩაითვლება.
"სინქრონულ დუპლეტზე თოფის გაუმართაობის გამო არშემდგარი გასროლის შემთხვევაში დაინიშნება გადასროლა. თუ გასროლა შედგება ერთ-ერთ თეფშზე, ხოლო მეორე გასროლა არ შედგაბა თოფის გაუმართაობის გამო, დაინიშნება ასევე გადასროლა და პირველი გასროლის შედეგი არ ჩაითვლება.
"სინქრონულ" დუპლეტზე მსროლელს 2-ჯერ ეპატიება თოფის გაუმართაობის მიზეზით არშემგარი გასროლა. მესამეჯერ თუ იგივე განმეორდა, მსროლელს დაეწერება ორი 0 (ორი ნული).
მსაჯის მიერ მიღებული გადაწყვეტილების გაპროტესტება:
- იმ შემთხვევაში, თუ სასროლ პოზიციაზე მყოფი მონაწილე ჩათვლის, რომ მსაჯმა მიიღო არასწორი გადაწყვეტილება, მას აქვს უფლება ხელის აწევით გააპროტესტოს მსაჯის გადაწყვეტილება. ასეთ შემთხვევაში "თამაშში შემოდის
(შემოდიან)" სათადარიგო მსაჯი, რომლის გადაწყვეტილებაც საბოლოო იქნება. თუ სათადარიგო მსაჯი ჩათვლის, რომ მსაჯმა არასწორი გადაწყვეტილება მიიღო და მსროლელის პროტესტი საფუძვლიანია, მაშინ აღნიშნული მსროლელის
პროტესტი დაკმაყოფილდება. თუ სათადარიგო მსაჯი ორი იქნება, მაშინ მსროლელის პროტესტის დასაკმაყოფილებლად საჭიროა ორივე თანამსაჯის თანხმობა. თუ თანამსაჯი (თანამსაჯები) ვერ მიიღებს ცალსახად გადაწყვეტილებას ან
იყოყმანებენ, მაშინ დაინიშნება გადასროლა. სხვა ნებისმიერ შემთხვევაში მთავარი მსაჯის გადაწყვეტილება ძალაში დარჩება.
სასროლი პოზიციების განლაგების და მოძრავი სამიზნეების ტრაექტორიების შერჩევის წესი:
შეჯიბრზე სასროლი პოზიციები შეირჩევა ორგანიზატორის მიერ.
მონაწილეობის მიღების მსურველთა სია:
1. მეტო
2. ტოკლიკა
3. დოკი
4. ჩეროკა
5. მთიული
6. მუმლა
7. ელიზები
8. ბუთურა
9.კუპრა
10.დუდუ
11.მირზახანი
12.ბექა(საქომაგოდ)
13.ვეკუ
14.დუდუ
15.
16.
17.
18.
19.
20.
21.
22.
23.
24.
25.