ბაბუ არ დაგზარდები რეპორტისთვის,მოკლედ დღეს დილით დავბრუნდი თურქეთიდან, ვიყავით ხოფის მთებში, აქ შარშანაც ვიყავი და უშედეგო ნადირობა არასდროს გვქონია, პრობლემა მხოლოდ ბევრი ხორცის წამოღებაა და ამიტომ 2 ცალზე მეტი არ მოვკალით რადგან იქ თუ მოკლავ აუცილებლად უნდა წაიღო, იქ არავინ დაგატოვებინებს მკვდარ ღორს, ის კი არადა დანას არავინ გათხოვებს გასატყავებლად რელიგიური მოსაზრებიდან გამომდინარე თუმცა სხვამხრივ გადაგვყვნენ ზედ, ქვემოთ თანმიმდევრობით დავდებ სურათებს კომენტარების გარეშე და ყველაფერი ნათელი იქნება, ალბად ბევრს გაუჩნდება შეკითხვა როგორ შეიძლება მოხვდეს იქ სანადიროდ? იქ ფულს აქეთ გვახარჯებენ ისე რომ სამწუხაროდ არ არის ისე რომ გადაიხადო და ინადირო, შესაბამისად მასიური ჩასვლა ფიზიკურად არ გამოდის, ვისაც გყავთ იქით ნაცნობები პირადი კონტაქტების გამოყენებით ყველას შეუძლია ჩავიდეს და ინადიროს, ღორი იმდენია ლამის ფეხებში აგებლანდონ.
ჩვენ მასპინძლის დაჩაზე ვიყავით და სახლის გარშემო ეზოში ვინადირეთ ძირითადად, გარშემო ჩაის პლანტაციებია, წაბლია ბევრი და საჭმელი უამრავი აქვთ, იარაღს იქ გვახვედრებენ,მარეკებიც კარგი ბიჭები ყავთ, ძაღლი ჩვენ ვაჩუქეთ და ჭკუაზე არ არიან, აქამდე ძაღლით ნადირობა არ იცოდნენ და ეხლა ბედნიერები არიან ნაკლები სიარული რომ უწევთ,წამოვიღეთ ხორციც, 1 ადამიანს უფლება აქვს 5 კილოს გადმოტანის, გამოვიარეთ ოზურგეთში ჩემს ძმაკაცთან, ბუხარში ავაშიშხინეთ ტახის მწვადები და დილით თბილისში ვიყავით,მოკლედ ეს არის მცირე რეპორტი, თუ ვინმეს რაიმე შეკითხვა დაგებადებათ მზად ვარ ამომწურავი პასუხებისთვის.