გარეცხილი და დალბობილი კურდღლის ხორცი დავჭრათ 40-50 გ ოდენობის ნაჭრებად. ჩავალაგოთ სქელძირიან თუჯის ან
ალუმინის ქვაბში, დავასხათ წყალი, დავამატოთ მონადირეებისთვის აუცილებელი სანელებლები - დაფქვილი წიწაკა, მარილი, დაფნის ფოთოლი, ხახვი. შეიძლება ნიორიც (თუ გესიამოვნებათ). ხორცი რომ ადუღდება და მოიქაფება, ქვაბში ჩაუშვით გაფცქვნილი მსხვილად დაჭრილი კარტოფილი. იხარშება ერთად ბოლომდე. თუ ნანადირევი მჭლეა, მოუხდება ღორის ან ბატის ქონის დამატება.
ინგრედიენტები: 1 კურდღელი, 1 კგ კარტოფილი, 1 თავი ხახვი, წიწაკა, მარილი, დაფნის ფოთოლი - გემოვნებით.