შემწვარი ბანანი ნაყინით
არ ელოდი მეგობრების ვიზიტს? გაუმასპინძლდი მათ მარტივად მოსამზადებელი უგემრიელესი საზაფხულო დესერტით და ყველა გაოცებული დარჩება. იხილეთ რეცეპტი და ერთად მოამზადეთ შემწვარი ბანანი ნაყინით!
რეცეპტის ინგრედიენტები:
- 55 გრამი კარაქი
- 2/3 ჭიქა (145გ) ყავისფერი შაქარი
- 3 1/2 სუფრის კოვზი (50მლ) რომი
- 1 1/2 ჩაის კოვზი ვანილის ექსტრაქტი
- 1/2 ჩაის კოვზი დაფქული დარიჩინი
- 3 ცალი ბანანი
- 1/4 ჭიქა (30გ) დაქუცმაცებული ნიგოზი
- 265 გრამი ვანილის ნაყინი
~ მომზადების წესი ~
1. გაფცქვენით ბანანები, გაჭერით სიგრძეზე და შემდეგ სიგანეზე, შუაში.
2. დიდი ზომის ტაფა დადგით საშუალო ცეცხლზე და გაადნეთ კარაქი. შემდეგ მოათავსეთ მასში ყავისფერი შაქარი, მოასხით რომი და ვანილის ექსტრაქტი. ჩაუმატეთ დარიჩინიც და მოურიეთ. დაელოდეთ, სანამ ეს მასა ბუშტებს არ გაიკეთებს.
3. მოათავსეთ ბანანები ტაფაში და მოაყარეთ ნიგოზი. აცხვეთ თითოეული მხრიდან 1-2 წუთის განმავლობაში. ამასობაში გადაანაწილეთ ნაყინი ოთხ ცალ ფიალაში. შემდეგ თითოეულში ჩაამატეთ სამ-სამი მომზადებული ბანანი და მოასხით ტაფაში დარჩენილი სოუსი. გემრიელად მიირთვით მალევე, სანამ ნაყინი გადნება.