შემწვარი ხოხობი ხახვით და სოკოთი

ხოხბის მომზადების მრავალი წესი არსებობს.

ქართული, ეროვნული "ჩახოხბილი", ალბათ, თავიდან

ხოხბით მზადდებოდა. უმარტივესია და უგემრიელესი

ჩვეულებრივი წესით შემწვარი ფრინველი. მსოფლიო

კულინარიაშიც ხოხბის კერძების უამრავი რეცეპტი არსებობს, 

გთავაზობთ ერთ-ერთ მათგანს, შედარებით მისაღებს ქართული გემოვნებისათვის და მარტივს.

შემწვარი ხოხობი ხახვით და სოკოთი

ინგრედიენტები: 1 ხოხობზე - 1 სუფ. კოვზი გამდნარი ღორის ქონი, 2 სუფ. კოვზი კარაქი, 150 გრ ქამა ან თეთრი სოკო, 120 გრ ხახვი, 40 მლ თეთრი ღვინო.

მომზადება: ხოხობი დავამუშაოთ, გავრეცხოთ და შევწვათ ტაფაზე, აირღუმელში. როდესაც შეწითლდება ყველა მხრიდან, დავამატოთ სოკოს პატარა ქუდები და მცირე ზომის, მთლიანი ხახვის თავები, რომლებიც ოდნავ მოშუშულია ცხიმში. დავაფაროთ ტაფას თავსახური და დაბალ ცეცხლზე განვაგრძოთ შუშვა. მომზადებამდე ცოტა ხნით ადრე დავამატოთ ღვინო, 1 ჭიქა მაგარი ბულიონი და წამოვადუღოთ. ეს კერძი ღვინის გარეშეც შეიძლება მომზადდეს. სუფრაზე გატანისას ხოხობი ჩავდოთ ღრმა ჭურჭელში და შემოვულაგოთ სოკო, ხახვი, მოვასხათ წვენი. გარნირად შეგიძლიათ მიატანოთ შემწვარი კარტოფილი 

წყარო: ჟურნალი "ნადირობა თევზაობა" 

წყარო ცოტა გაუგებარია......

მაპატიეთ შევასწორებ

ამის დეგუსტაციის დროც მალე მოვა. ადვილი მოსამზადებელია. პოვარა და ბერძენა რომ ამზადებენ ხოხბის ჩახოხბილებს , იმაზე ბევრად ადვილია...