სასმელები.ვისკი

Jack Daniel's

Jack Daniel's

Jack Daniel’s — ამერიკული ვისკის (ტენესის ვისკის ქვესახეობა) და კუპაჟების პოპულარული ბრენდი. იწარმოება ქ. ლინჩბურგის, აშშ, გამოსახდელებში XIX საუკუნიდან.

უცნობია თუ როდის დაიბადა ჯეკ დენიელი. მის ქალაქში მომხდარმა ხანძარმა გაანადგურა სარეგისტრაციო წიგნები, ხოლო მისტერ ჯეკისა და დედამისის საფლავის ქვებზე ამოტვიფრული თარიღები ერთმანეთს ეწინააღმდეგება, ამიტომ დაბადების ზუსტი თარიღის დადგენა ჯერ ვერ ხერხდება. ცნობილია მხოლოდ მისი დაბადების თვე – სექტემბერი.
ჯეკ დენიელი საკმაოდ დაბალი ადამიანი იყო – მისი სიმაღლე მხოლოდ 155 სმ–ს შეადგენდა. მისი 21–ე დაბადების დღის აღსანიშნავად, ჯეკი გაემართა ქალაქში გამოფენაზე დასასწრებად და დაბრუნდა მუხლებამდე ფორმალურ სერთუკსა და პლანტატორის ფართოფარფლიან ქუდში გამოწყობილი. ჯეკო ცხოვრების ბოლომდე ამ ფორმის ტანისამოსის ერთგული დარჩა. ისინი, ვინც მას იცნობდა, ამტკიცებენ: „თუ ის ისეთ რამეს აღმოაჩენდა, რაც მის მოწონებას დაიმსახურებდა, იგი არასდროს მას არ ცვლიდა“. სწორედ ინდივიდუალურობაა მისი ვისკის ნიშანთვისება.
1904 წელს მისტერ ჯეკმა წარადგინა თავის Old No. 7 Tennessee sipping whiskey მსოფლიო ექსპოზიციაზე, რომელიც ქ. სენტ–ლუისში, მისურის შტატში გაიმართა. კონკურსზე მსოფლიოს ყველა კუთხიდან წარმოდგენილი ვისკის 20 სახეობიდან მხოლოდ მის ვისკის მიენიჭა ოქროს მედალი და ის აღიარებული იყო მსოფლიოში საუკეთესოდ.

ერთხელ, მისტერ ჯეკი დილით ადრე მივიდა სამსახურში და საკუთარ ოფისში მოტავსებული სეიფის გახსნა დააპირა. მან ვერ გაიხსენა ციფრების საჭირო კომბინაცია და მრისხანებით ამოარტყა მას წიხლი. ამ დარტყმის შედეგად, მან მოიტეხა ფეხის ცერა თითი, სადაც შემდგომ ინფექციამ შეაღწია. საბოლოოდ, ჯეკ დენიელი 1911 წელს სისხლის მოწამლვისაგან გარდაიცვალა.
რადგანაც ჯეკ დენიელი არასდროს არ ყოფილა დაქორწინებული და არ ჰყავდა შვილები, მან გამოსახდელი ქარხანა მასთან ერთად გულმოდგინედ მომუშავე თავის ძმისშვილს, ლემ მოტლოუს უანდერძა, რომელიც ბიზნესს მშრალი კანონის დროს ხელმძღვანელობდა.

 

 წყარო:whiskyhouse.ge

მიყვარს ჯეკ განსაკუთრებით ეფფელ ჯეკი....

ვისკი კარგია, მაგრამ ხინკალზე ვერ მიდის