ჰუგლუ
შექმნის ისტორია:
თურქეთში იარაღს 200-მდე ფირმა და კოოპერატივი აწარმოებს.
HUGLU 104A თურქულ-ჩეხური წარმოების იარაღია.
თურქეთის ულამაზეს ქალაქ ჰუგლუში იარაღის ოსტატებმა 1962 წელს ჩამოაყალიბეს გაერთიანება HUGLU, რომლის პროდუქტია HUGLU 104A.
გაერთიანება HUGLU-ში 3 ფირმა შედის: star huglu silah sanayii, huglu silah sanayii, gens huglu silah sanayii. ამ მოდელის იარაღს სამივე მათგანი აწარმოებს და ფასებიც ამის შესაბამისად მერყეობს.
huglu silah sanayii-ს მოდელებს მაღალი ხარისხის თურქული კაკლის კონდახები და შედარებით დაბალი ფასი აქვს.
HUGLU 6 წელია, რაც ქართულ ბაზარზეა.
მისი ოფიციალური შემომტანია ფირმა „ვესტერნი“.
საქართველოშიც თურქული წარმოების პროდუქტზე მოთხოვნილება დღითიდღე იზრდება და ამის მიზეზი, ძირითადად, იარაღის ხელმისაწვდომი ფასია.
ტექნიკური მახასიათებლები:
კალიბრი (მმ) 12x76
ლულის სიგრძე (სმ) 71
იარაღის სიგრძე (სმ) 125
ლულის გაბურღულობა (მმ) 18,2
წონა 3,100 – 3,300 კგ
განსაკუთრებული თვისებები:
HUGLU 104A ერთ-ერთ უნივერსალურ იარაღად არის მიჩნეული.
ის თავიდან ბოლომდე ქრომირებულია.
ორსასხლეტიანია.
გამოირჩევა სროლის მაღალი ხარისხით და მისი ქარხნული რესურსია 18000 გასროლა.
გამოიყენება როგორც ნესტიანი ჰავის რეგიონებში, ასევე მშრალი და მკაცრი კლიმატის დროსაც. საქართველოს პირობებში მას არ ემუქრება დაჟანგვა, რადგან იარაღი მოხარშულ ზეთშია ქრომირებული.
მსუბუქია.
გარდა სხვა ბევრი სიკეთისა, მისი მთავარი ღირსება კი, ალბათ, მაინც ფასია. სწორედ დაბალი ფასი გამოარჩევს მას სხვა სანადირო თოფებისგან. HUGLU 104A-ს ღირებულება 1280-დან 1300 ლარამდე მერყეობს.
უარყოფითი თვისებები:
HUGLU 104A თურქული წარმოების ის იარაღია, რომელზეც შეგვიძლია ვთქვათ, რომ ხარვეზები თითქმის არ აქვს. უბრალოდ, ამ იარაღის შეძენისას ყურადღება უნდა მიაქციოთ, ზემოთ აღნიშნული სამი ფირმიდან რომლის მიერ არის დამზადებული.
რაზე შეიძლება ვინადიროთ:
ეს იარაღი საქართველოში სანადიროდ უნივერსალურია.
HUGLU 104A განადირებთ როგორც ფრინველზე (მწყერი, იხვი), ასევე ნადირზე.
იარაღი უნივერსალურია იმის გამოც, რომ ნებისმიერ ვაზნას ისვრის.
თამამად შეგიძლიათ, საქართველოს ნებისმიერ პირობებში გამოიყენოთ - ამ იარაღის ლითონის კონსტრუქციას არ ეშინია არც ჭაობის სინესტის, არც თოვლის და არც მთის მკაცრი პირობების.
იდეალურია როგორც დამწყები, ასევე გამოცდილი მონადირეებისთვის.
მონადირის სამახსოვრო:
მონადირე ბუნების მეგობარია, გაუფრთხილდი შენი სამშობლოს ფაუნას;
ყურადღებით იყავი, სანამ სასხლეტს თითს გამოჰკრავ;
ნადირის გამო არასდროს წახვიდე რისკზე.