არგუსი, ქათმისნაირთა რიგის ორი გვარის საერთო სახელწოდება. ქოჩორა არგუსის (Rheinartia) გვარში ერთი სახეობაა (Rheinocellata), გვხვდება ლაოსში, ვიეტნამსა და მალაკის ნახევარკუნძულზე. დიდი არგუსის (Argusianus) გვარშიც ერთი სახეობაა (Argusianus argus), გავრცელებულია ბირმის სამხრეთ ნაწილში, მალაკის ნახევარკუნძულსა და სუმატრისა და კალიმანტანის კუნძულებზე. ცხოვრობს ურიან ტყეებში. აქვს 1,2 მ-ზე მეტი სიგრძის ბოლო და განიერი ფრთები. ლამაზი შეფერილობის ბუმბული მოხატულია მსხვილი კოპლებით. დებს 2 კვერცხს. ინკუბაცია 24-25 დღე გრძელდება.