ბოლობეჭედა

                                                                                                  ბოლობეჭედა                                                                                                                                                                                                                                                                                                                       ბოლობეჭედა (Circus), ფრინველების გვარი შავარდნისნაირთა რიგისა. გვარში 9 სახეობაა. გავრცელებულია თითქმის მთელ მსოფლიოში. საქართველოში გვხვდება მინდვრის, მდელოს, ველისა და ჭაობის ბოლობეჭდები. აპრილ-მაისში დებენ 2-6 კვერცხს. კრუხობენ 30 დღემდე. ყველა ბოლობეჭედა (ჭაობის ბოლობეჭედას გარდა) სასარგებლოა - სპობს მწერებსა და მღრღნელებს.

ველის ბოლობეჭედა მოიპოვება ს. - აღმ. ევროპაში, აზიის დიდ ნაწილში, აფრიკაში (საჰარის სამხრეთით), ეგვიპტეში.

საქართველოში ველის ბოლობეჭედა გვხდება თითქმის ყველგან მიმოფრენისას.

ეს ფრინველი ბინადრობს ღია ადგილებში. მეტწილად იგი გვხდება მშრალ ადგილებში, თუმცა რიგ შემთხვევებში მას შეიძლება შევხდეთ მდინარეთა სანაპირო ველებზეც. ბუდეს იკეთებს მიწაზე. აპრილის დამლევს დებს 3 – 6 კვერცხს. კრუხობა გრძელდება 30 დღემდე. საკვებს შეადგენენ მცირე ზომის თაგვისებრი მღრნელები, მიწაზე მობუდარი ფრინველები და მათი მართვეები, ხვლიკები, მწერები.

მავნე მღრნელების დიდი რაოდენობით განადგურებით ველის ბოლობეჭედას მნიშვნელოვანი სარგებლობა მოაქვს სახალხო მეურნეობისათვის.