ყაზბეგი - ხდეს ხეობა
ზოგადად, ყაზბეგის შესახებ ყველას აქვს მცირეოდენი წარმოდგენა, მაგრამ ამ შემთხვევაში მე სტეფანწმინდის რაიონში, მდინარე ხდეს ხეობის შესახებ გიამბობთ, სადაც 1 წლის წინ, ალპინისტთა გუნდთან ერთად მწვერვალის დასაპყრობად ვიყავი... მდინარე ხდე, სუფთა და კამკამა, მთიდან ჩამომავალი მდინარეა, რომელიც ლარსზე, სასაზღვრო პუნქტთან ჩამოდის და თერგს უერთდება... ჩვენი პირველი გაჩერებაც სასაზღვრო პუნზტთან იყო, სადაც მესაზღვრეების რჩევა-დარიგებების მოსმენის შემდეგ მთისკენ ავიღეთ გეზი და 4 საათი სიარულის შემდეგ, დასაბანაკებელ ადგილსაც მივაღწიეთ... 1 ღამის შესვენების შემდეგ კი ზედა ბანაკს მივადეგით, ხოლო მეოთხე დღეს მწვერვალ ,,უნივერსიადა 62”-საკენ გავეშურეთ...
რა თქმა უნდა, ჩემს სიტყვებზე კარგად სურათები გადმოგცემთ იმ სილამაზეს, რაც იქ ვნახეთ... ამწვანებული მთები, აყვავილებული მინდვრები, პატარ-პატარა ჩანჩქერები და მთებზე შერჩენილი, გაყვითლებული, ძველი, მაგრამ მაინც დაუმდნარი თოვლი... მწვერვალთან მიახლოებისას კი 2 გაყინული ტბა, ამჯერად უკვე ახალი თოვლი და ჩემი დაუვიწყარი შეგრძნება, რომ 25 ივლისს მუხლებამდე თოვლში ვიდექი... რაც შეეხება მწვერვალზე ასვლას, ნადირობის მოყვარულ ხალხს არ გაგიკვირდებათ, რომ დაახლოებით 3 700 მეტრ სიმაღლეზე ჯიხვის ცურცლები ვნახეთ
ავტ:QILIPA