ფეხბანჯგვლიანი ბუ მოიპოვება ჩრდ. და შუა ევროპაში, აზიის დიდ ნაწილში, ჩრდ. ამერიკის ზოგიერთ ადგილას.
საქართველოს ფარგლებში ფეხბანჯგვლიანი ბუ გვხდება თითქმის ყველგან მობინადრე ფრინველის სახით. ვერტიკალურად ვრცელდება 2500 მ - მდე.
ბინადრობს ტყეებში, ბუჩქნარში, ზოგჯერ ადამიანის სამოსახლოს მიდამოში. ბუდეს იკეთებს ხის ფუღუროში, ზოგჯერ ბინავდება სხვა ფრინველის მიერ მიტოვებულ ბუდეში. აპრილის დასაწყისში დებს 2 – 6 კვერცხს. კრუხობა გრძელდება 30 დღემდე. ძირითად საკვებს შეადგენენ მცირე ზომის მღრნელები და მგალობელი ფრინველები. მავნე მღრნელების განადგურებით ფეხბანჯგვლიან ბუს სახალხო მეურნეობისათვის შესამჩნევი სარგებლობა მოაქვს.
ცნობილია ამ ფრინველის რამდენიმე ქვესახე, რომელთაგან საქართველოში გავრცელებულია კავკასიური ფეხბანჯგვლიანი ბუ - Aegolius funereus caucasicus