ძროხის ხორცის ჯიბეები

ძროხის ხორცის ჯიბეები

საჭირო მასალა: 2 ცალი ყვითელი ტკბილი წიწაკა, 2 მსხვილი ღერი მწვანე ხახვი, 2 ს.კ. დანაყილი მწვანე წიწაკა, 2 ნაჭერი ძროხის ხორცი (თითო 300-გრამიანი), 4 ს.კ. საშუალო სიცხარის მდოგვი, 1 ს.კ. ზეთი, მარილი, პილპილი – გემოვნებით.

მომზადება: წიწაკებს ამოვაცალოთ თესლი და გრილზე შევწვათ. 10 წუთი დავდოთ, რომ გაგრილდეს, ამასობაში  მწვანე ხახვი თხლად დავჭრათ და მწვანე წიწაკა ავურიოთ. შემწვარ წიწაკებს ფრთხილად მოვაშოროთ კანი, დავჭრათ და ხახვსა და წიწაკას დავუმატოთ. ხორცის ნაჭრები სიბრტყეზე გავჭრათ თხელ ფენებად, მსუბუქად დავბეგვოთ, წავუსვათ მდოგვი, მოვაყაროთ მარილი და პილპილი. წიწაკისა და ხახვის მასა ხორცის ფენებზე გადავანაწილოთ, გადავკეცოთ და ხის ჩხირებით შევკრათ. შემდეგ კი გრილზე შევწვათ.

© ღვინის კლუბი

ბაბუ  რაგინდა  რასმერჩი  დავიხრჩვი  ამდენი  ნერწყვის  ყლაპვით ?

ვამდიდრებ მენიუს....ჩვენი ბიჭებისთვის.აბა სულ ხოხბის ჩახოხბილი, ტახის მწვადები , შვლის ჩაშუშული და შემწვარი მწყერი ხომ არ უნდა დავაგემოვნოთ ხოლმე,  ჩვენ საველე სამზარეულოში? სიახლე და მრავალფეროვნებაა საჭირო

ეხლა თევზეულს მივაწვები.....

- რა ჭამე საუზმეზე???

--ძროხის ჯიბეეები

მგონი ეს ჯიბეები ჩვენ ძროხებს არა აქვთ? ან ჩამოხეული აქვთ. რაღაც არ მახსოვს და მომკალი თუ გინდა....

კი მოუხდება კაი ღვინო