ნაღდი თბილისელი.
ქართლოს კასრაძე.
ერთხელ მოსკოვიდან მაღალი რანგის სტუმრები ჩამოვიდნენ. ვიზიტის ოფიციალური ნაწილის შემდეგ გამართულ სადილზე, ქართული სუფრის წესისამებრ, თამადამ სადღეგრძელოების თქმა დაიწყო. ერთ-ერთმა რუსმა სტუმარმა სიტყვა ითხოვა, გამორჩეულად აღნიშნა როინ მეტრეველი, როგორც ახალგაზრდა, პერსპექტიული, ენერგიული პიროვნება და მისი სადღეგრძელოს შესმა დააპირა. ამ დროს ვასილ მჟავანაძემ სიტყვა გააწყვეტინა და საზოგადოებას სულ სხვა სადღეგრძელო შესთავაზა. მაშინ ახალგაზრდა ვიყავი და გულზე მომხვდა, რომ ვასილ პავლოვიჩმა საზოგადოების წინაშე ასე უცერემონიოდ შეაჩერა ჩემი სადღეგრძელო და სულ სხვა პიროვნების დამსახურებაზე დაიწყო საუბარი, რომელიც გაცილებით ჩემზე უფროსი იყო და ჩემზე მაღალი თანამდებობაც ჰქონდა. რა თქმა უნდა ვიფიქრე, რომ უსამართლოდ მომექცა, ახალგაზრდა რომ ვიყავი, ამიტომ დავიჩაგრე და სხვა. სუფრა ისე დამთავრდა, ჩემი სადღეგრძელო აღარ თქმულა. ცხადია, ხმა აღარ ამომიღია, არც შემიმჩნევია. გულში კი მწარედ ჩამრჩა. მესამე დღეს ვასილ პავლოვიჩი მიბარებს და მეუბნება:
-როინ შვილო (ასე მომართავდა ხოლმე), ვიცი, გეწყინებოდა, შენი სადღეგრძელო რომ არ ვათქმევინე თამადას, მაგრამ ეს შეგნებულად გავაკეთე. საჯაროდ ასეთი ქება-დიდება სიკეთეს არ მოგიტანდა, პირიქით უამრავ მტერს შეგძენდაო. მაშინ მისი სიტყვების ბოლომდე გაცნობიერება გამიჭირდა, დღეს კი ვხვდები, რაოდენ ფრთხილი და ბრძენი კაცი იყო ვასილ პავლოვიჩი და რა კარგად იცნობდა ადამიანებს.
მეორე ეპიზოდი ისტორიული მნიშვნელობისაა და ხახულის კარედს ეხება.
ხრუშჩოვის გადაწყვეტილებით, ეს სიწმინდე ერთ ამერიკელს მიჰყიდეს და იგი „ ნავაჭრის“ მისაღებად თბილისს ეწვია კულტურის საკავშირო წარმომადგენელთან ერთად. შეშფოთებული შალვა ამირანაშვილი (მუზეუმის დირექტორი) ტელეფონით დაუკავშირდა პირადად ვასილ მჟავანაძეს და შველა სთხოვა. დაადე ბოქლომი მუზეუმს და ერთი კვირით სადმე დაიკარგეო,-დაარიგა ცეკას პირველმა მდივანმა. შალვა ამირანაშვილი ასეც მოიქცა. ერთი კვირის განმავლობაში ვასილ მჟავანაძემ ხრუშჩოვის გადარწმუნება შეძლო. ხახულის კარედი გადარჩა.
როინ მეტრეველი
"ასეთი იყო ჩემი საქართველო“
ვასილ მჟავანაძე, ზინაიდა კვაჭაძე, როინ მეტრეველი, ჯუმბერ პატიაშვილი, ნათელა ლაღიძე...
თბილისის აეროპორტი. როინ მეტრეველი საქართველოს კომპარტიის ცენტრალური კომიტეტის ბიუროს წევრებთან ერთად.
ფოტოსურათები ამოღებულია ვასილ მჟავანაძის ოჯახის ფოტოალბომიდან.