SKB
მოდელი 590. იწარმოება 12 და 20 კალიბრის. მისი ფასი უცხოურ ბაზარზე 1300 ა.შ.შ დოლარს შეადგენს.
SKB იაპონიაში იარაღის მწარმოებელი უძველესი საწარმოა. საწარმოს სახელად დაერქვა გვარის, Sakaba-ს შემოკლებული ვარიანტი. ამ მეიარაღე დინასტიის წარმომადგენელმა იარაღის საწარმო 1855 წელს დაფუძნდა იბარაკის პროვინციაში. ქარხანა პატარაა ,მაგრამ აქ შესრულებული სამუშაო მაღალი ხარისხით გამოირჩევა. SKB მხოლოდ გლუვლულიან თოფებს აწარმოებს. ისინი ცნობილი გერმანული ბრენდის “მერკელის” კლონებს წარმოადგენენ.
საბაზო მოდელად გერმანული “მოდელი 201″ შეირჩა. იაპონურ კლონებს “ბლიც” სისტემის სასხლეტ-დამცემი მექანიზმი და კერსტენის საკეტი აქვთ. თოფები 12 და 20 ყალიბის კეთდება. დანიშნულების და ყალიბის მიხედვით ლულათა სიგრძე 660-დან 760 მილიმეტრამდე მერყეობს. კალაპოტი სპეციალური ფოლადისაგან მზადდება, შემდეგ კი თერმოდამუშავებას გადის სიმყარის გაზრდის მიზნით. საბრძოლო ზამბარები ორფრთიანი-ფირფიტოვანია. ყველა მოდელს სელექტორული ერთსასხლეტიანი კავი აქვთ. ლულები სხვადასხვა ზომის ფიქსირებულ ან სახსნელ ჩოკებზეა. გააჩნიათ ეჟექტორები და ავტომატური მცველი. კონდახის დასამზადებლად გამოიყენება მაღალიხარისხიანი კაკალი.
მოდელი IS300. იწარმოება 12 კალიბრის სხვადასხვა სახის ლულითა და კონდახით. მათი ფასი უცხოურ ბაზარზე 625-დან 870 ა.შ.შ. დოლარამდე მერყეობს.
თოფები გამოირჩევა კარგი ბალანსით, მანევრირების უნარით და მორგებულობით. წონა დანიშნულებისა და ყალიბის მიხედვით შეადგენს 3,1-3,5 კილოგრამს. სერია შედგება მოდელებისაგან: 500, 600, 505, 605, 585, 785, 885.
SKB აერთიანებს თანამედროვე ტექნოლოგიებს ძველი სამყაროს ოსტატობასთან და საბოლოო ჯამში ვღებულობთ მაღალი ხარისხის სანადირო იარაღებს.
SKB დისტრიბუტორების მეშვეობით ნაწილდება მთელი მსოფლიოს მასშტაბით. იგი წარმატებით იყიდება ა.შ.შ-ში. ა.შ.შ. ეროვნული ოფისი მდებარეობს ომაჰაში (ნებრასკა).
SKB ინარჩუნებს კონსერვატიულ სტილს, ფოკუსირება ხდება გამოყენებული მასალების მაღალ ხარისხზე და შესრულებაზე.
ვრცლად იარაღის ქარხნის შესახებ ინფორმაციის სანახახავად ეწვიეთ ოფიციალურ გვერდს. აქ თქვენ ნახავთ SKB-ს წარმოებულ მოდელებს, მათ მახასიათებლებს, ფასებს და სხვა საინტერესო მასალებს.