შაშხანის ოპტიკური სამიზნე.
თანამედროვე სნაიპერული შაშხანა ოპტიკური სამიზნის გარეშე, პრაქტიკულად, წარმოუდგენელია.ოპტიკური სამიზნე შაშხანის განუყოფელი ნაწილია. მოხერხებული, სწრაფი და ზუსტი დამიზნებისთვის ეს მოწყობილობა, მართლაც რომ, შეუცვლელია. მხოლოდ მისი საშუალებით შეუძლია სნაიპერს შორ მანძილზე მიზნის დაზიანება. ოპტიკური სამიზნის შუქძალისა და გამოსახულების გადიდების წყალობით ცეცხლის წარმოება შესაძლებელია არა მარტო შორსმყოფი მიზნის, არამედ მცირე ზომის, ცუდად შესამჩნევი და მენიღბული მიზნების მიმართაც. ასევე, შესაძლებელია შეიარაღებული თვალისთვის შეუმჩნეველი მიზნის დაზიანებაც.
ოჰტიკური სამიზნის თვისებები საშუალებას იძლევა, წარმატებულად წარმოებდეს სროლა ცუდი განათების პირობებში.
შაშხანის ოპტიკური სამიზნე არის საჭვრეტი მილი (ჭოგრიტი),დამიზნების კუთხის დასადგენი და გვერდითი შესწორებების აღმრიცხველი მექანიზმებით. მსის შემადგენელი ნაწილებია: კორპუსი, ობიექტური და ოკულარის მილები. კორპუსზე არის განლაგებული დამიზნების კუთხის მექანიზმი კოჭობით (მბრუნავი მექანიზმი) და დისტანციის დანაყოფებიანი შკალით, რომლის ორ დანაყოფს შორის მანძილი 100 მეტრს უდრის; კორპუსზე ასევე განთავსებულია გვერდითი შესწორებების მექანიზმი კოჭობითა და შკალით. მათი დანაყოფები დისტანციის მეათასედს უდრის.
სამიზნის შიგნით განთავსებულია ოჰტიკური ნაწილი და სამიზნე ძაფები. ძველ ოპტიკურ სამიზნეებში სამიზნე ბადე იქმნება ფოლადის ელემენტებით – სამიზნე პალოთი და გვერდითი გამათანაბრებელი ძაფებით. ჩვენს დროში ლითონის ძაფები შეცვალა ერთ-ერთი ლინზის ზედაპირზე დატანებული სამიზნე ბადემ. ოპტიკური ნაწილის მადგენლობაა: ობიექტივი, დასაყენებელი მბრუნავი სისტემა და ოკულარი. ობიექტივი და ოკულარი თავიანთ ჩარჩოებთან ერთად სამიზნეში უძრავად არის ჩამაგრებული. დასაყენებელი სისტემა თავისი ჩარჩოთი და შიდა მილი მოძრაობს სამიზნის ღერძის გასწვრივ.
კლასიკურ სამიზნეებში ვერტიკალურ სამიზნე ძაფს, რომელსაც მსხვილი ბოლო აქვს, უწოდებენ სამიზნე პალოს. როცა შაშხანა სწორად არის დამიზნებული, ძაფის მსხვილი წვერი უნდა ემთხვეოდეს მოხვედრის სასურველ წერტილს. ამასთანავე, მსროლელის წარმოსახვით ტყვია სამიზნე პალოს წვერზე უნდა .„ვარდებოდეს”. სამიზნე პალოს გვერდებზე განთავსებულ ძაფებს გვერდითი გამათანაბრებელი ძაფები ქვია და მათი დანიშნულება გახლავთ იარაღის სწორი ორიენტაცია ჰორიზონტისადმი, შაშხანის გვერდზე გადახრის თავიდან ასაცილებლად და მიზნამდე მანძილის განსაზღვრა. სამიზნე ძაფები სამიზნის მხედველობის არეალში შეიძლება გადაადგილდეს ოთხივე მხარეს(ზემოთ, ქვემოთ, მარჯვენა და მარცხენა მხარეს).
დამიზნება
დამიზნების ხედვითი პროცესი ოპტიკით ძალზედ რთულია და კარგი მიჩვევა ჭირდება, რაც გულმოდგინე ვარჯიშის შედეგად წარმატებით მიიღწევა. დამწყებთათვის რეკომენდირეებულია შხედველობის ველის პარამეტრის დადგენის პრაქტიკული ხერხი: დამიზნებისას ოკულარს თვალი თანდათანობით უნდა მიუახლოვოთ. შევიწროვებული მხედველობის ველი, რომელსაც ამ დროს ვხედავთ, ფართოვდება მანამ, სანამ მკაფიოდ არ დაინახავთ მის ეგრეთწოდებულ წინა საზღვარს. ეს მსროლელისთვის არის მუშა მანძილი თვალსა და მიზანს შორის. ამ მდგომარეობაში მუდმივად გააკონტროლეთ ეს საზღვარი, რომ ის მკვეთრად ჩანდეს. დამიზნების პროცესში ეს ყველაზე მნივნელოვანი ელემენტია. თუ გსურთ ეს ჩვევა სწრაფად გამოიმუშაოთ, მოხსენით შაშხანას ოპტიკური სამიზნე და რამოდენიმე დღე როგორც დურბინდი ისე გამოიყენეთ.
ოპტიკური სამიზნით სროლა უფრო რთულია, ვიდრე ეს ერთი შეხედვით ჩანს. სამიზნე ოპტიკის გადაჭარბებული შეფასებით მოხიბლულ-მოტყუებული გამოუცდელი ადამიანები ცდილობენ, თავიანთ იარაღზე დააყენონ სამიზნე, რაც შეიძლება დიდი გადიდებით და ხშირად, მათთვის სამწუხაროდ, უფრო ცუდად ახვედრებენ მიზანს, ვიდრე ღია სამიზნით. მოდით, გავერკვეთ, რატომ ხდება ასე. რაც უფრო ადიდებს სამიზნეს მით უფრო ხტის მხედველობის არეალში მიზანი და მით
უფრო რთულია მისი დაჭერა.რაც უფრო მეტად ხტის მიზანი, მით მეტად ცდილობს მსროლელი მისი გამოჭერას და რაც უფრო ცდილობს, მით უფრო ხტის მიზანი. სხეულის ბუნებრივი პულსაცია აძლიერებს ამ პროცესს. მსროლელი დამიზნებას დიდ დროს ანდომებს. მიზანი :ცოცხლდება” სამიზნის მხედველობის ველში და თავისებურად “ერევა” დამიზნების პროცესში. საბოლოოდ იკვრება “მომაჟადოებელი წრე” და მიზანში მოხვედრა შეუძლებელი ხდება
სროლა სამიზნის დიდი გადიდებით შეუძლია მხოლოდ კარგად ნავარჯიშებ ადამიანს.
სროლის ტექნიკა
ძალიან მნიშვნელოვანია თუ როგორ ხდება სასხლეტზე თითის დაჭერა. გასროლის მომენტში, ჩახმახს “რბილად” უნდა დააწვეთ. სასხლეტზე დაწოლისას აუცილებელია თითის მოძრაობა შაშხანის ღერძის მიმართულებას დაემთხვეს. მოძრაობის სწორად შესასრულებლად საჭიროა, ის თითი რომელსაც სასხლეტზე დასაჭერად ვიყენებთ, მხოლოდ სასხლეტს ეხებოდეს და არა კორპუსს. ასევე აუცილებელია სასხლეტ მექანიზმს თითის ბალიშით შევეხოთ.გასროლისას ისეთი მდგომარეობა უნდა მიიღოთ, რომ იარაღი რაც შეიძლება უძრავად გეჭიროთ. შაშხანა სწორად დაიჭირეთ და ლოყა მჭიდროდ მიადეთ კონდახს. რეაგირება მოახდინოთ სისხლში ადრენალინის მოზღვავებაზე.
წყარო მონადირეინფო
ჩამსწორებელი Qartvela™, 09 January 2018 - 12:01 PM.