ღაჟო - Lanius cristatus
ღაჟო გავრცელებულია ევროპაში, აზიაში, აფრიკაში (გარდა ჩრდ. და დას. ნაწილებისა).
საქართველოს ფარგლებში ღაჟო მოიპოვება თითქმის ყველგან როგორც მობუდარი ფრინველი. ვერტიკალრუად ვრცელდება 3100 მ - მდე.
სხეულის სიგრძე 15-30 სმ ზოგის 45 სმ-საც კი აღწევს, მასა 25-120 გ აღწევს. ნისკარტი მოღუნულია, გვერდებიდან შებრტყელებული, წვეროზე კბილაკით აქვთ მოკლე, მომრგვალო ფრთები.
ბინადრობს ტყეთა სანაპიროებში, ბუჩქნარებში, ბაღებში, ვენახებში, ზოგჯერ სოფლის ეზოებში. ბუდეს იკეთებს ბუჩქებში, მიწის ზედაპირიდან 1 – 2 მ - ის სიმაღლეზე. ბუდის მშენებლობაში დედალი მონაწილეობას არ ღებულობს. აპრილში დებს 4 – 8 კვერცხს. კრუხობის ხანგრძლივობა აღწევს 14 დღემდე. საკვებს შეადგენენ მწერები, მცირე ზომის მგალობელ ფრინველთა ბარტყები, ბაყაყები, ხვლიკები.
მავნე მწერების მასობრივად განადგურებით ღაჟოს სახალხო მეურნეობისათვის დიდი სარგებლობა მოაქვს.
ცნობილია ღაჟოს ბევრი ქვესახე, რომელთაგან საქართველოში გვხდება კავკასიური ღაჟო - Lanius cristatus kobylini