ყარყატი მოიპოვება ევროპაში, აზიის დიდ ნაწილში, აფრიკის მრავალ ადგილას.
საქართველოში ყარყატი ფართოდაა გავრცელებული. აღმოსავლეთ საქართველოში იგი გვხდება როგორც მობუდარი ფრინველი, ხოლო დასავლეთ საქართველოში - როგორც მიმომფრენი. ვერტიკალურად ვრცელდება 2000 მ - მდე.
ყარყატი ბინადრობს ტყეთა სანაპიროებზე, ველებზე, ადამიანის სამოსახლოს მიდამოებში, ბაღებში, ძველ სასაფლაოებზე, ხშირად გვხდება ველზე განმარტოვებულ ან ჯგუფად მდგომ ხეებზე. ბუდეს იკეთებს ხეზე. ხშირად სახლის სახურავის თავზე. აპრილში დებს 2 – 6 კვერცხს. კრუხობა გრძელდება 34 დღემდე. კრუხად მორიგეობით ჯდება ორივე მშობელი. ძირითად საკვებს შეადგენენ მწერები, ჭიები, რბილსხეულიანები, თევზები, ამფიბიები, ქვეწარმავლები, ფრინველთა ბარტყები და მცირე ზომის მგალობელი ფრინველები, მეტწილად კი მიწაზე მობუდარი ფორმები, მცირე ზომის მღრნელები. ამ უკანასკნელებს განსაკუთრებით დიდი რაოდენობით ანადგურებენ ნაყანევში, მოსავლის აღების შემდეგ.
ცნობილია ყარყატის სამი ქვესახე რომელთაგან საქართველოში გვხდება ევროპული ყარყატი - Ciconia ciconia ciconia