გავაგრძელებ ცოტას, თორემ მუზა მეკარგება
მერი დაიბადა 2000 წლის 19 თებერვალს.
იმ დროს, სამწუხაროდ თუ საბედნიეროდ, ინტერნეტში არ იყო ამდენი ინფორმაცია, რაც ნაბულიანი ძაღლების აღზრდას ეხება. ახლა იმდენია, რომ არ იცი ვის უსმინო და დაუჯერო.
შორს არ წავალ - პეტერბურგის კლუბ "კურცჰაარში" არის ერთი მანდილოსანი, რომელიც ახლა ინტერნეტ სივრცეში ერთერთი აქტიური მწვრთნელის როლში გამოდის, ატარებს გაკვეთილებს და იძლევა რჩევებს. არა და მისი პირველი კურცი ისე მოკვდა 13 წლის ასაკში, რომ არც ერთი საველე დიპლომი არ ქონდა, მეორე ძაღლი მისცა დასაგეშად მწვრთნელ ექსპერტს, რომელმაც ააღებინა ძაღლს დიპლომი. სამაგიეროდ ეხლა თვითონ იღებს შეკვეთებს ძაღლების გაწვრთნის საკითხში და ამით შოულობს ფულს.
ლეკვის მიცემა სხვისთვის, გასაწვრთნელ–დასაყენებლად, ჩემი აზრით შეიძლება, მაგრამ იმ შემთხვევაში, თუ მართლა დიდი ამბიციური გეგმები გაქვთ, ძაღლის მიღწევებთან დაკავშირებული და ამისთვის ცოდნა არ გყოფნით, ან დრო არა გაქვთ. პროფესიონალი მწვრთნელი, ნებისმიერ დამწყებ მეძაღლეზე მალე და ხარისხიანად გახსნის ძაღლის საუკეთესო მონაცემებს, თუ ის წესიერი ადამიანია. დღეს ეს სამსახური არ ღირს იაფი, არც რუსეთში და განსაკუთრებით საზღვარგარეთ (არ ვიცი – ალბათ საქართველოშიაც)
მე მქონდა საშუალება, რომ ამეყვანა ვინმე განთქმული ექსპერტი ჩემი ძაღლის მწვრთნელის როლში და მათი დახმარებით მიმეღო სასურველი დიპლომები. მაგრამ მე, როგორც მონადირეს, ძაღლი "ჩემთვის მინდოდა" ე.ი. ნადირობისთვის. არც მაშინ და არც შემდეგში, დიპლომები და ტიტულები არასდროს დამიყენებია ნადირობის წინ. ჩემი ძაღლების დიპლომების დაახლოებით 90% მიღებულია იმ პერიოდში, როცა ნადირობის სეზონი დახურული იყო. ის 10 % უმეტესად კომპლექსურ შეჯიბრებებში, სადაც რამოდენიმე სახეობაზე ტარდებოდა ღონისძიება.
საერთოდ, ძაღლის გაწვრთნა–დაგეშვის პროცესს, მე ვადარებ შვილების აღზრდა–განათლების პროცესს. კი, შეიძლება ბავშვებს ინტერნატში, ან სადმე ლონდონის კერძო სკოლაში უკეთესი განათლება მისცენ, მაგრამ უარყოფითი მხარეც არსებობს – რა იცი, კარგთან ერთად, ცუდს რას ისწავლის ბავშვი მშობლებისგან შორს და შეინარჩუნებს თუ არა მთავარს, მშობლების სიყვარულს, მათთან ურთიერთობას.
ნაბულიან ძაღლის აღზრდის პროცესში მთავარი ადგილი უჭირავს ძაღლთან ურთიერთობას, ურთიერთგაგებას, ურთიერთპატივისცემას. ეს ძნელი მისაღწევია, თუ ხშირად არა ხართ ძაღლთან. რაც უფრო ხშირად იქნებით ძაღლთან ერთად, განსაკუთრებით კი მარტო, მით უფრო უკეთესი დამოკიდებულება გექნებათ ერთმანეთთან და მით უფრო მალე მიაწევთ იმას, რასაც ცდილობთ.
ბოდიში, გავაგრძელებ მოგვიანებით...