ორიოდე სიტყვით დავწერ ჯესიკაზე და მერე დავუბრუნდები 9 წლის წინანდელ ღონისძიებებს, სადაც ჯესიკას ბებია მინდვრის ჩემპიონი გახდა, დედა კი ჯიშის საუკეთესო წარმომადგენელი ექსტერიერში
19-20 მაისს ნოვგოროდის ოლქში ჩატარდა კონტინენტალური მეძებრების რეგიონალური შეჯიბრება ჭაობის ფრინველზე (დუპელი(ჭოვილო)), რომელიც ტრადიციულად ერთ-ერთი განთქმული დრათჰაარისტის, ივანე რიზნიჩის, ხსოვნას მიეძღვნა.
შეჯიბრებაში მონაწილეობა მიიღო 4 ჯიშის, 18 ძაღლმა. 10 დრათჰაარმა, 6 კურცჰაარმა, ეპონიოლ ბრეტონმა და ვეიმარაინერმა. 9 ძაღლმა მიიღო შეფასება, 7–მა დიპლომი. ამათგან 2 მეორე ხარისხის.
შეჯიბრების გამარჯვებული გამოვიდა დრათჰაარი გაროლდი (პოლუეკტოვი ა.ნ.), მეორე ხარისხის დიპლომით, 77 ქულით.
მეორე ადგილზე გავიდა კურცი გენ გროსს ლიმიტედ ედიშინ (მაქსიმოვი ვ.ი.), მეორე ხარისხის დიპლომით, 76 ქულით
მესამე ადგილი დაიკავა ჩემმა ჯესიკამ, მესამე ხარისხის დიპლომით და 82 ქულით.
ამის გარდა ჯესიკა, გახდა შეჯიბრების "საუკეთესო ახალგაზრდა ძაღლი", მე კი მომენიჭა "საუკეთესო მგეშავის" (წამყვანის) პრიზი.
ჯესიკას შეფასება – 675–97–558–455–88=82 ქულა, 3 ხარისხის დიპლომი.
შეფასებიდან კარგად ჩანს, რომ ცოტა დაგვაკლდა უფრო მაღალი ხარისხის დიპლომის ასაღებად. დაგვაკლდა ყნოსვის სიშორეში. სამწუხაროდ, ჯესიკას ორი მუშაობა, სამიდან, გამოვიდა ფრინველების ჯგუფზე. პირველ შემთხვევაში 2 ფრინველი ამოუვიდა, მეორე შემთხვევაში 4. სამიდან ერთი მუშაობა მოკლე იყო და ამიტომ მივიღეთ 6 ყნოსვის სიშორეში და მხოლოდ მესამე ხარისხის დიპლომი. სხვა ელემენტებში ჯესიკამ კარგი ქულები დააგროვა – სისწრაფეში თითქმის მაქსიმუმი (9), მიტანებაში 8. სტილის ქულებში, ექსპერტებმა, რომლებიც სამივე "კონტინენტალები" იყვნენ, დააკლეს ქულა სისწრაფის გამო – კურცჰაარი ასე სწრაფად არ უნდა დარბოდესო
მიუხედავად ყოველივე ამისა, მე ძალიან კმაყოფილი დავრჩი ჯესის გამოსვლით, რადგანაც ეს პირველი ჩვენი გამოსვლა იყო და თანაც პირდაპირ შეჯიბრებაზე (სადაც გაცილებით უფრო მკაცრი მოთხოვნებია, ვიდრე უბრალოდ საველე გამოცდებზე). მითუმეტეს, რომ, ეს ჩვენი პირველი გამოსვლა იყო ისეთ ადგილას, სადაც ნორმალური მინდორიც იყო და ფრინველიც. მანამდე ჯესიკას ვარჯიში მიწევდა ისეტ მინდვრებში, სადაც ფრინველი არ იყო. დუპელის გასაცნობად და მასზე სამუშაოდ კი დავდიოდით სახლიდან შორს და ისეთ ადგილებში, სადაც ნორმალური სირბილი შეუძლებელი იყო.
პრიზიორები
ჩამსწორებელი კობა თოდუა, 11 June 2018 - 01:55 PM.