მერკელების თანამედროვე წარმოება
ამჟამად მერკელების ფირმა სანადირო თოფის 350-მდე მოდელს აწარმოებს.
ესენია: გლუვლულიანი, ორლულიანი, ერთი გლუვი და ერთი კუთხვილი, ჰორიზონტალური ლულები, ვერტიკალური ლულები, სამლულიანი, ცალლულიანი, ორლულა შტუცერი და კარაბინი.
ძმები მერკელების საწარმო წელიწადში 4500 სანადირო თოფს ამზადებს.
იარაღი მზადდება თანამედროვე, ციფრული პროგრამული მართვის ჩარხებზე.
იარაღს აწყობენ ოსტატები, მხოლოდ ხელით, ხოლო თავად ოსტატებს გავლილი აქვთ მეიარაღე-ოსტატების გადამზადებისა და სწავლების სრული კურსი.
მერკელების ფირმა იყენებს მეტალურგიულ კონცერნ „Tisen Kruppa Stahl“-ის ფოლადს „სამი რგოლი“.
თოფის ლულები შეიცავს ქრომისა და ვანადიუმის დანამატს და დამზადებულია ცივი ჭედვის ტექნოლოგიით.
სანადირო თოფები MERKEL
მერკელების ფირმის კლასიკად ქცეული მოდელია MERKEL 200. E
წონა 3,130 კგ.
ფასი 3000-3500 მარკა.
ლულები ვერტიკალური.
უბრალო გრავირება.
ეჟექტორი.
მერკელების კომბინირებულ მოდელებს მარკირების შუაში ემატებათ ციფრი 1 (MERKELI 2010 E, 2012 E, 313 E). ამ თოფებს ზედა ლულა გლუვი აქვს, ქვედა კი - კუთხვილი.
გლუვლულიან სპორტულ მოდელებს მარკირებისას ბოლოში ემატება ასო S (სკიტი, ანუ მრგვალი სტენდი.)
იარაღის ლულის სიგრძეა 68 სმ.
წონა 3,5 / 3,75 კგ.
სიმჭიდროვის 70-75%, შედეგი 35 მ.
შესაძლებელია, სპორტულ მოდელებს ბოლოში დაემატოს ასო T (ტრაპი, ანუ ტრანშეიანი სტენდი).
იარაღის ლულის სიგრძე 75 სმ.
წონა 3,5 / 3,75 კგ.
სიმჭიდროვის 70-75%, შედეგი 20 მ.
ფირმის ერთ-ერთი საინტერესო და ძლიერი მოდელია სამლულიანი MERKELI 96 K, რომელიც იწარმოება რამდენიმე მოდიფიკაციით.
ძმები მერკელები და საქართველო
საქართველოში არსებული მერკელების უმრავლესობა 200 E მოდელია და 1945 წლის შემდეგაა დამზადებული.
ასევე, დაფიქსირებულია 201 E და 203 E მოდელებიც.
მერკელების ყველაზე ძვირფასიანი მოდელი 303 E საქართველოში სულ 10 ცალია დაფიქსირებული. მისი საბაზრო ფასია 16000-17080 მარკა.
ეს მოდელი განკუთვნილია მათთვის, ვისაც უყვარს „სამეფო ნადირობა“.
MERKEL 303 E-ს შესახებ ერთი საინტერესო ცნობა მოიპოვება:
ის საკუთრებაში ჰქონდა ცნობილ მოქანდაკე გოგი ოჩიაურს. 20-წლიანი ექსპლუატაციის შემდეგ ლულებს ჩოკთან რგოლური გაბერილობები გაუჩნდა. ცნობილმა მეიარაღემ ლეონიდ მედვედევმა ლულებს ჩოკები მოაჭრა, რამაც გასროლისას იარაღს დიდი ხმა მისცა. მედვედევმა ლულებს 4-5 სანტიმეტრიანი კომპენსატორები მიარჩილა. მართალია, შეკეთებამ თოფი პრობლემებისგან იხსნა, მაგრამ მიტანა ცილინდრიანი თოფის ტოლფასი გახადა.