James Crockart & Son

James Crockart & Son 





JAMES CROCKART & SON LIMITED იარაღის მწარმოებელთა შორის ერთ-ერთი ყველაზე ძველი ფირმაა შოტლანდიაში. ჯეიმს კროკარტი დაიბადა 1817 წელს ქალაქ პერტთში. 1852 წელს(ეს თარიღი ითვლება ფირმის დაარსების წლად) მან გახსნა საიარაღო მაღაზია ბლერგორში ქალაქ ველმედოუსთან ახლოს, სადაც უკვე არსებობდა კომპანია Perthshire Arms. ფირმა წარმატებული გამოდგა, მალე მისი გაფართოების საკითხი დადგა და გადავიდა კიდეც უფრო დიდ ოფისში ალანის ქუჩაზე. მალე ბიზნესმა კვლავ გაფართოება მოითხოვა და კიდევ ერთჯერ გადაინაცვლეს უფრო დიდ შენობაში, სადაც გარდა ვაჭრობისა, საწარმოო პროცესიც აეწყო. საამქრო და მაღაზია განთავსდა ალანის ქუჩა N 26-ში. 
James Crockart & Son Ltd-მ დაიწყო სპორტული, სანადირო იარაღის, ვაზნების წარმოება და სათევზაო ინვენტარის დამზადება. იარაღი

ბლერგორი

შოტლანდია

 


თვით ჯეიმსი ბრწყინვალე მსროლელი იყო. მონაწილეობდა შეჯიბრებებში და ბევრჯერ ჩემპიონიც გახდა. სამწუხაროდ, ერთ-ერთი შეჯიბრებისას(სროლისას) ტრამვა მიიღო და იძულებული გახდა სპორტის ამ სახეობას გამომშვიდობებოდა. ამის შემდეგ ფირმის დამფუძნებელმა აქტიურ თევზაობას მიჰყო ხელი.
ჯეიმს კროკარტს 6 ვაჟიშვილი ჰყავდა, რომელთაგან ორმა, რობერტმა და უილიამმა მამის სიკვდილის შემდეგ 1896 წელს იარაღის ბიზნესი გადაიბარეს. 1945 წლამდე ბიზნესი საოჯახო რჩებოდა, ხოლო ამის შემდეგ მიეყიდა ჰარი მიჩის, რომელიც მეიარაღე და მცირეყალიბიანიდან სროლის ჩემპიონი გახლდათ. 1968 წელს ბიზნესის მფლობელი რობერტ ჯემისონი ხდება, რომელმაც მორიგი გაფართოების მიზნით კვლავ ალანის ქუჩაზე 28 ნომერში გადაიტანა საწარმო და მაღაზია. 



დღეს მაღაზია-საწარმოს სპეციალიზაცია სპორტული თოფების წარმოება-გაყიდვა და სათევზაო ინვენტარის დამზადებაა. გაყიდვაშია სხვადასხვა მოდელები და მეორადი თოფებიც. აგრეთვე ადგილზე ახდენენ ძველი თოფების რემონტსაც.


 


2002 წელს კომპანიის 150 წლისთავის აღსანიშნავად ფირმამ გამოუშვა მაღალი კლასის ვერტიკალური გლუვლულიანი, რომელიც წარმოდგენილია 12, 16, 20 და 28 ყალიბში; კონდახის ნაირსახეობას ეწოდება ,,უელსის პრინცი"; ლულის სიგრძე მერყეობს 69სმ-დან 81სმ-მდე; ერთ სასხლეტზე, ავტომატური მცველით; გრავირება პერდეს სტილშია ან კეთდება შემკვეთის სურვილისამებრ.

   

დიდი სიამოვნებით მოვინახულებდი მაღაზიას

მესმის შენი