კომპასი რუკის გარეშე.
გარდა იმისა რომ კომპასით ოთხი ძირითადი მხარე შეგვიძლია გავარკვიოთ(ჩრდილოეთი, სამხრეთი, აღმოსავლეთი და დასავლეთი), კომპასით შეგვიძლია მოძრაობის ზუსტი მიმართულებების დადგენაც აზიმუტის და კონტრაზიმუტის საშუალებით(აზიმუტს ვიყენებთ წასვლისას, კონტრაზიმუტს უკან დასაბრუნებლად). აქვე დავაზუსტებ რომ კომპასის ისარი აჩვენებს მხოლოდ მაგნიტურ ჩრდილოეთს და არა გეოგრაფიულ ჩრდილოეთს, რომელსაც რუკებზე ვნახულობთ,თუმცა ეს სხვა თემაა.
აზიმუტი ესაა კუთხე, რომელიც იქმნება მოძრაობის მიმართულებასა და ჩრდილოეთს შორის. რადგან კომპასის ისარი ყოველთვის ჩრდილოეთს აჩვენებს, შეგვიძლია ერთხელ განსაზღვრული კუთხით ადვილად ვიმოძრაოთ წინ და უკან.
როგორ ისაზღვრება აზიმუტი:
1. მიმართულბის ისარს მივმართავთ სავარაუდო მოძრაობის ან ობიექტის მიმართულებით(მაგალითად ტბისკენ, ან ხისკენ, ან კლდისკენ).
2.კომპასის ზუფს ვამოძრავებთ ისე რომ ჩრდილოეთის მიმართულების მაგნიტური ისარი ჩაჯდეს ორიენტაციის ისრის ჭრილში(რომელიც ხუფის ჩირზეა დახატული, იხ. მეორე კომპასი).
3. ისღა დაგვრჩენია დავაკვირდეთ შკალას და ვნახოთ რას უჩვეებს გრადუსებში კუთხე რომელიც შეიქმნა ჩრდილოეთის მხარეს მიმართულ ისარსა და მიმართულების ისარს შორის-ეს არის აზიმუტი.
ამის შემდეგ შეგვიძლია ვიაროთ, ისე რომ ჩრდილოეთის ისარი ყოველთვის ორიენტაციის ისრის ჩარჩოში იჯდეს და მიმართულების ისარი ყოველთვის გვიჩენებს გადაადგილების მიმართულებას.
უკან დასაბრუნებლად გვჭირდება კონტრაზიმუტი. თუ აზიმუტი 180 გრადუსზე ნაკლებია, მას ვამატებთ 180-ს (მაგალითად თუ აზიმუტია 90, კონტრაზიმუტი იქნება 270), ხოლო თუ აზიმუტი 180-ზე მეტი, ვაკლებთ 180-ს(მაგალითად თუ აზიმუტია 270, კონტრაზიმუტი იქნება 270-180=90 გრადუსს).