დედოფლისწყაროს მუზეუმში დაცული რომაელი ცენტურიონის მუზარადი
https://www.ambioni....los-ert-kutxeze
ეს ლექსი დამეხმარება ჩემი აზრის გამოთქმაში
ქართველი
არქეოლოგნი გვეწვივნენ,
სწავლულნი უცხო მხრისაო;
გასინჯეს ძველი, ახალი
სიმდიდრე ქართველისაო.
გასინჯეს ძველი საყდრები,
მცხეთის და გელათისაო;
განძები ნახეს მრავალი:
ოქრო-ვერცხლის და ქვისაო.
ზედ ნახეს ხელოვნებანი,
საკვირვლად დარჩათ ისაო;
სთქვეს, რომ საქები ყოფილა,
ხელობა ქართველისაო!
საქართველოა წალკოტი,
ბულბულთ სასტვენი ბინაო;
ხალხიც სტუმრისა მოყვარე,
ყველას მიიღებს შინაო.
ასე მდიდარი ქვეყანა
ვფიქრობთ, რამ წაახდინაო;
ახლა თუმც სუსტობს, მაგრამ კი
სიკეთე უძღვის წინაო.
ჩამსწორებელი საბა სანოძე, 22 May 2018 - 11:13 PM.
● ლიხნის სასახლე აფხაზეთში, გუდაუთის მუნიციპალიტეტში, სოფელ ლიხნში მდებარეობს. სასახლე დაინგრა რუსეთის ხელისუფლების ბრძანებით 1866 წლის ცნობილი ლიხნის აჯანყების შემდეგ, სოფელში მოწყობილი ეგზეკუციისას. ლიხნის სასახლის კომპლექსში 1983 წლის აგვისტოს, არქეოლოგიური გათხრების შედეგად, აღმოაჩინეს ბიზანტიური და ქართული მონეტების განძი - 71 მონეტა, მათ შორის 27 ოქროსი და 44 ვერცხლისა
● მონეტები, სერდოლიკის ერთ ცალ მრგვალ მძივთან და სევადით მორთულ რელიეფის გამოსახულებიან ვერცხლის პატარა ბეჭედთან ერთად, მოთავსებული იყო თიხის მრგვალ ვიწროყელიან დოქში, რომლისათვისაც თავი წაუტეხიათ, რადგან მონეტები ყელში არ ეტეოდა. დოქი დამალვის მიზნით ჩაადგმული იყო სასახლის ერთ-ერთი კედლის პატარა ნიშაში. ეს უკანასკნელი გარედან ამოულესიათ. მონეტების ეს განძი, თავისი განსაკუთრებული მნიშვნელობის გამო, ორჯერ გამოქვეყნდა სრული სახით - პირველად ს. შამბას, ხოლო მეორედ ი. ცუხიშვილის მიერ.
● ლიხნის განძის ბიზანტიური მონეტები მოჭრილია იმპერატორების კონსტანტინე IX მონომახოსის (1042-1055 წ.წ.), კონსტანტინე X დუკას (1059-1067 წ.წ.), მისი ქვრივი იმპერატრიცა ევდოკია მაკრემვოლიტისას (1067 წ. მაისი-დეკემბერი) და რომანოზ IV დიოგენის (1067-1071 წ.წ.) მიერ.
● ლიხნის განძში ბიზანტიურთან ერთად აღმოჩნდა 44 ქართული ვერცხლის მონეტა; აქედან, 31 - მეფე ბაგრატ IV-ისა (1027-1072 წ.წ.) და 13 მეფე გიორგი II-ისა (1072-1089 წ.წ.).
● ლიხნის განძის ქართულ მონეტებზე ბაგრატ IV და გიორგი II, ქართულ სამეფო ტიტულებთან ერთად, შემკობილები არიან ბიზანტიური ტიტულებით - ნოველისიმოსისა და სევასტოსისა. ცნობილია, რომ ქართველ მეფეთა მონეტები ბიზანტიური ტიტულების აღნიშნვით შემოიღო დავით კურაპალატმა (გარდაცვალების თარიღია - 1001 წ.). ასეთი მონეტები იჭრებოდა მისი მემკვიდრეების ბაგრატ IV-ის, გიორგი II-ის და დავით IV აღმაშენებლის (სევასტოსის ტიტულს, სხვა ბიზანტიურ უმაღლეს ტიტულებთან ერთად, მაგ. პანიპერსევასტოსი და კურაპალატი, უფლისწულობაში და მეფობის დასაწყისში ატარებდა; ხოლო XII ს.-ის დასაწყისიდან დავითი მხოლოდ ქართულ ტიტულებს ატარებდა) მიერ. ამის გამო და აგრეთვე, იმიტომ, რომ ისინი ბიზანტიის იმპერატორების მონეტების მიმსგავსებითაა მოჭრილი - წინა პირზე (ავერსი) ბერძნული წარწერებით და ვლაქერნის ღმრთისმსობლის გამოსახულებით - სამეცნიერო ლიტერატურაში მათ ხშირად ქართულ-ბიზანტიურ მონეტებს უწოდებენ. აღნიშნული განძი ინახება სოხუმში, აფხაზეთის სახელმწიფო მუზეუმში.
არქეოლოგებმა შავ ზღვაში დაახლოებით 2 400 წლის წინ ჩაძირული გემი იპოვეს. 23-მეტრიანი ხომალდი, რომელიც არქეოლოგების ვარაუდით ძველბერძნულია, ზღვის ფსკერზე თითქმის დაუზიანებელი აღმოაჩინეს.
უძველესი გემის შესახებ The Guardian წერს. გამოცემის თანახმად, გემი ზღვის ფსკერზე უვნებლად ჟანგბადის ნაკლებობამ შემოინახა.
როგორც არქეოლოგები განმარტავენ, გემი, სავარაუდოდ, სავაჭრო იყო და მას ისეთივე ფორმა აქვს, როგორიც ე.წ. “სირენების ლარნაკზე” გამოსახულ ხომალდს. ეს არის მოხატული ჭურჭელი, რომელიც,დაახლოებით შავ ზღვაში ნაპოვნი გემის პერიოდისაა. ჭურჭელზე გამოსახულია ოდისევსის ხომალდი, რომელსაც თავს ესხმიან მითიური სირენები.
ფოტო: : Werner Forman
რაც შეეხება ადგილმდებარეობას, როგორც გამოცემა წერს, ხომალდი ბულგარეთთან ახლოს აღმოაჩინეს. ის ერთ-ერთია იმ 60-ზე მეტი გემიდან, რომლებიც მეცნიერებმა 3-წლიანი ექსპედიციის დროს შავ ზღვაში იპოვეს.
0 წევრი, 0 სტუმარი
ატვირთული ვიდეოს ბმული ჩავსვათ პოსტში?