ამ სტატიაში შევეცდებით მაქსიმალურად ამომწურავი პასუხი გავცეთ ყველა დამწყები მონადირის კითხვას, რომელიც ნადირობით დაინტერესებისთანავე ჩნდება. ცხადია, საუბარია თოფზე და ძაღლზე.
რეკომენდაციებს, რომელსაც ქვემოთ გაეცნობით, გარემოს დაცვის სამინისტროს წარმომადგენლები და ნადირობის ფორუმის გამოცდილი მონადირეები იძლევიან, შესაბამისად, წინ საინტერესო მასალა ელის მათ, ვისაც სურს ნადირობა.
სანადირო იარაღის ტიპი და სახე განსაზღვრულია იარაღის შესახებ კანონის მეშვიდე მუხლით და სანადირო იარაღების სახეობები ამ ჩამონათვალში ასეთია: გლუვლულიანი, ხრახნლულიანი, კომბინირებული, ცივი და ცივი-სასროლი იარაღი.
არჩევანი აბსოლუტურად ინდივიდუალურია, თუმცა დამწყებმა მონადირემ სასურველია აირჩიოს რაც შეიძლება მარტივი კონსტრუქციის და შედარებით უტყუარი იარაღი. ასევე ძალიან დიდი მნიშვნელობა ენიჭება იმას თუ რაზე აპირებს ნადირობას.
რაც შეეხება ძაღლს, აქაც ძალიან ინდივიდუალურია მიდგომა, გააჩნია რა ცხოველის შენახვის შესაძლებლობა აქვს მონადირეს. ყველა ცხოველს აქვს ინდივიდუალური მიდგომა, მათ გარკვეული ფართი და მოვლის პირობები სჭირდებათ. აქაც ძალიან მნიშვნელოვანია ის ფაქტი თუ რაზე აპირებთ ნადირობას.
ახლა კი დეტალურად თოფის სახეობებზე:
წარმოგიდგენთ გამოცდილი მონადირის რეკომენდაციას ნადირობის ფორუმიდან:
"სხვა ნორმალურ შემთხვევაში ჰორიზონტალური თოფი საკმაოდ პრაქტიკულია. მტკიცე და კონსტრუქციულად უბრალო კალაპოტი განსაკუთრებულ მოვლას არ საჭიროებს და სხვადასხვა ძალის დატვირთვებსაც კარგად უძლებს. ჰორიზონტალურლულებიანი თოფი ნაკლებს იწონის.
ლულები ადვილად იხსნება. ეჟექტორებიც კარგად მუშაობს. იგი მანევრულია და მისი მხარზე მოგდებაადვილია.
ვინც მეძებრით ნადირობს, დიდად აფასებს ამ თოფისგახსნილად ტარების შესაძლებლობას. მისი ბრტყელი კალაპოტი, ვერტიკალურ ლულებიანი თოფისგან განსხვავებით, მხარს არ ტკენს და ბუჩქებში გაძრომა,თხრილებზე გადახტომა და ღობეებზე გადაძრომა ადვილია."
რაც შეეხება მორიგ თოფს, რომელსაც გამოცდილი მონადირეები დამწყებებს ურჩევენ, ეს ნახევრად ავტომატური თოფებია, რომლებიც დღეისათვის უმრავლესობას წარმოადგენენ.
კვლავ გთავაზობთ გამოცდილი მონადირის რეკომენდაციას:
დღესდღეობით ყოველი მეორე გაყიდული თოფი ნახევარავტომატია. იგი ხარისხიანი და იაფია და მრავალი ღირსება გააჩნია. ამ თოფებს მნიშვნელოვნად შემცირებული უკუცემა აქვთ.
ნახევარავტომატი იმ გამოცდილ მსროლელებსაც გამოადგებათ, ვინც ისეთ ნადირობას ირჩევს, სადაც სამი და მეტი გასროლაა საჭირო. მაგალითად გარეული მტრედის და იხვის გადაფრენაზე.
მობილჩოკიანი ნახევარავტომატი ძალზე მოსახერხებელია. მე გირჩევდით 71 სმ იანი ლულით შეძენას და საჭიროების შემთხვევაში დამაგრძელებელი მობილჩოკის ხმარებას.
უარყოფითი მხარეები!
- კატეგორიულად არ ვურჩევ დამწყებ მონადირეებს ნახევარ ავტომატის შეძენას!
იმის ხარჯზე რომ 5 ტყვია აქვთ მჭიდში, სროლის ხაისხს აღარ უყურებენ და აქცენტი რაოდენობაზე გადააქვთ, რაც ხშირ შემთხვევაში "მაყრული" გასროლების სერიებს იწვევს.
- ისინი უფრო დიდხანს და რთულად იტენებიან. მონადირე იძულებულია ერთი რომელიმე ნომერი საფანტი გამოიყენოს, რაც ნადირობის დროს უხერხულობას ქმნის, რადგან სასროლ არეში ყოველთვის შეიძლებასხვადასხვა ნადირი ან ფრინველი გამოჩნდეს.
- ეს თოფები კოლექტიური ნადირობის დროს არასასურველია, რადგან ამ დროს უსაფრთხოებას დიდი ყურადღება ექცევა. ასეთ ნადირობაზე გადასახსნელი თოფი ჯობია. ნახევარავტომატის გახსნილი საკეტი ყოველთვის სეიძლება თავისთავად დაიკეტოს და ლულაში ვაზნა შეიტანოს."