გავაზი
გავაზი, იგივე ბარი (ლათ: Falco cherrug, რუს: Балобан, ინგ: Saker Falcon) ტანის სიგრძე 42.5-60 სმ. ფრთის სიგრძე 34-42 სმ. გაშლილი ფრთებით 105-130 სმ. წონა 820-1100 გრ.დედალი მამალზე დიდია. ბუმბული ზურგზე მორუხო-მურაა, მუცელზე თეთრი, მურა ან შავლაქებიანი.
გავაზი ბუდობს ველისა და ტყე-ველის ზონაში, მთაში. გავრცელებულია სამხრეთ-აღმოსავლეთ ევროპასა და აზიაში. იზამთრებს თავისი გავრცელების არეალის სამხრეთ ნაწილში, აგრეთვე ინდოეთსა და აფრიკაში.
ბუდეს იკეთებს კლდეზე, ზოგჯერ ხეზე და სხვის ბუდეშიც იბუდებს. დებს 3-5,იშვიათად 6 კვერცხს.
გავაზი მსხვერპლს იჭერს ფრენისას, შეუძლია აიტაცოს მიწიდანაც. იკვებება პატარა და საშუალო ზომის ფრინველებით, თრიებით, მემინდვრიებითა და სხვა მღრღნელებით, რითაც დიდი სარგებლობა მოაქვს.
გავაზს წვრთიან ფრინველებზე, კურდღლებსა და ქურციკებზე სანადიროდ