Вяхирь
ქედანი გვხდება ევროპაში, აზიის მრავალ ადგილას და ჩ.დ. აფრიკაში.
საქართველოში ქედანი ფართოდაა გავრცელებული მობინადრე ფრინველის სახით. ვერტიკალურად აღწევს ტყის ზონის ზედა ხაზამდე.
ქედანი ბინადრობს ტყეებში, ბუჩქნარებში, ზოგჯერ ბაღებსა და ადამიანის სამოსახლოს მიდამოში. ბუდეს იკეთებს ხეზე. აპრილის დამლევს დებს 2 კვერცხს. კრუხობა გრძელდება 18 დღემდე. ხუნდების აღზრდაში მონაწილეობს ორივე მშობელი. თავდაპირველად ნორჩ ხუნდებს მშობლები კვებავენ ნათხევარით-ჩიჩახვიდან ამონთხეული ხაჭოსებრი ნივთიერებით. შემდეგში ხუნდებისათვის მშობლებს საკვები მოაქვთ ჩიჩახვით.
ქედანი იკვებება სარეველა მცენარეთა თესლებით, კენკრით, იშვიათად ჭამს მწერებს.
ქედნისა ცნობილია 5 ქვესახე, რომელთაგან საქართველოში მოიპოვება ევროპული ქედანი - Columba palumbus