ესპანური ბეღურა
ესპანური ბეღურა გავრცელებულია სამხ. ევროპაში, მცირე და შუა აზიაში, კავკასიაში, პალესტინაში, ირანში, ავღანეთში, ჩრდ. აფრიკაში, ეგვიპტეში, მწვანე კონცხისა და კანარის კუნძულებზე.
საქართველოს ფარგლებში ესპანური ბეღურა გვხდება მუხროვანისა და სამგორის ველებზე, მცხეთასთან.
ბინადრობს ჭალებში, ბუჩქნარებში, მეტწილად ველებსა და კულტურულ ლანდშაფტებში, ადამიანის სამოსახლოს მიდამოებში, განცალკევებულად მდგომ ხეებზე. ბუდეს იკეთებს ხეზე, მეტწილად ადამიანის სამოსახლოდან დაშორებით, სოფლებში, ქალაქების განაპირა უბნებში. დებს 4-8 კვერცხს. კრუხობის ხანგრძლივობა აღწევს 11 დღემდე. საკვებს შეადგენს მცენარეთა თესლები, მარცვლები, დიდი რაოდენობით აზიანებს ხორბალს, ფეტვს, ქერს, მზესუმზირას, ბოსტნეულს. ჭამს აგრეთვე მწერებს.
მასობრივად გამრავლების წლებში ესპანურ ბეღურას სახალხო მეურნეობისათვის მნიშვნელოვანი ზიანი მოაქვს სოფლის მეურნეობის კულტურათა დაზიანებით.
ცნობილია ესპანური ბეღურის ხუთი ქვესახე, რომელთაგან საქართველოს ფარგლებში გვხდება თურქესტანული ესპანური ბეღურა – Passer hispaniolensis transcaspicus