სანამ ლეკვს შეიიძენთ
სანამ ძაღლს შეიძენთ, პირველ რიგში, უნდა ჰკითხოთ საკუთარ თავს: ნამდვილად გსურთ ძაღლი? გაქვთ კი დრო მისთვის? მოიპოვება თქვენს ოჯახში მისთვის ადგილი? გეყოფათ ნერვები მის სწორად გასაზრდელად? თუ ძაღლი არ გიყვარს, ეს სულაც არ ნიშნავს იმას, რომ ცუდი ადამიანი ხარ. მაგრამ ძაღლი შეიძინო, გაზარდო, რამოდენიმე წელი იყოლიო და შემდგომ ის უცხო ადამიანის ხელში გაასხვისო, ან უარეს შემთხვევაში ქუჩაში დატოვო (რომ არაფერი ვთქვათ მის დაძინებაზე), ეს საშინელებაა. მაგრამ თუ თქვენ ფიქრობთ, რომ ძაღლის ყოლის სურვილის გარდა, საამისოდ ყველა პირობას აკმაყოფილებთ, მაშინ თქვენი არჩევანი ერთ რომელიმე კონკრეტულ ჯიშზე უნდა შეაჩეროთ. აუცილებელია, ყურადღება მიაქციოთ მის გაბარიტებს, ბეწვის ტიპს, ჯიშისთვის დამახასიათებელ დანიშნულებას და ხასიათს. დიდი შეცდომაა, როდესაც ძაღლს მხოლოდ და მხოლოდ მისი ვიზუალური მხარის გამო ირჩევენ. ამ შეცდომამ შეიძლება შემდგომში დიდი პრობლემები შეგიქმნათ მაგალითად, სპორტული ცხოვრების მიმდევარ ადამიანს ვერასდროს გაუწევს კომპანიანობას ტლანქი, ნახევრადფლეგმატური მასტინო, მასტიფი, ალაბაი, ინგლისური ბულდოგი და სხვა. ამ ჯიშის ძაღლები მშვიდი ცხოვრების სტილს ირჩევენ და ეს უკვე შეუსაბამობაა! მთავარია, თქვენი მოთხოვნები და ძაღლის შესაძლებლობები ერთმანეთს ემთხვეოდეს, ამ შემთხვევაში თქვენ ძაღლისგან მაქსიმალურ სიამოვნებას მიიღებთ. ვთქვათ, მე ძალიან მომწონს ოქროს რეტრივერი, ლაბრადორ რეტრივერი, პოინტერი, სეტერ გორდონი, ფოქსტერიერი, ჯეკ რასელ ტერიერი და სხვა, მაგრამ მათგან არც ერთი არ არის ჩემი ხასიათის ძაღლი. ამ ჯიშის ძაღლებს სჭირდებათ უფრო აქტიური ცხოვრების მიმდევარი მეპატრონე და ჩემთან ისინი ორჯერ უფრო მეტად დაიტანჯებიან, ვიდრე მე მათთან. ამიტომ უპირატესობას მოლოსოიდური ჯიშის ძაღლებს ვანიჭებ. საზოგადოების აზრით, არსებობენ ჭკვიანი და უჭკუო ძაღლები, ეს მცდარი აზრია, არ არსებობს სულელი ძაღლი. ბევრისგან მსმენია: ჩემი ძაღლი სულელია, ბევრს ან ცოტას ყეფს, არ გამოდგება ოჯახის მცველად, სახლში ოჯახის წევრების გარდა არავის უშვებს, ქუჩაში სეირნობისას სხვა ძაღლებისკენ საჩხუბრად იწევს, წინააღმდეგობას არავის უწევს, ბევრს თამაშობს, ან არავის ეკარება და ა.შ. ეს ძაღლები მეპატრონეებს ერთმანეთი რომ გაეცვალათ, ალბათ ყველა კმაყოფილები დარჩებოდა. მაგრამ ეს უკვე შეუძლებელია, მათ თავიდანვე სწორად უნდა შეერჩიათ სასურველი ხასიათის, ტემპერამენტის და დანიშნულების ძაღლი. არასდროს შეარჩიოთ ძაღლი მხოლოდ გარეგნული მონაცემებით. აუცილებლად გაითვალისწინეთ თქვენი შერჩეული ძაღლის გაბარიტები. გარდა დიდი საცხოვრებელი ტერიტორიისა, დიდი ტანის ძაღლებს ბევრად უფრო მეტი საკვები ესაჭიროებათ, ვიდრე სხვა დანარჩენს. მათთვის ასევე აუცილებელია სწორი პროფესიონალური წვრთნა, რომელიც დღესდღეობით არცთუ იაფი სიამოვნებაა (გასათვალისწინებელია, რომ დიდი ტანის არასწორად აღზრდილი ძაღლი საზოგადოებისათვის საშიშია). ასევე ყურადღება უნდა მიექცეს ბეწვის ტიპს (ბეწვის სიგრძეს): მოკლებეწვიანი ძაღლი ვარცხნას და სპეციალურ შეჭრას არ ითხოვს, ანუ მისი მოვლა ბევრად უფრო იოლია. ზოგიერთის აზრით, მოკლებეწვიანი ძაღლის ყოლა ბინაში ბევრად უფრო ადვილია, რადგან ის... და ხშირ შემთხვევაში საუბარს ვეღარც აგრძელებენ. ჩემი აზრით კი, გრძელბეწვიანი ძაღლის ყოლა სახლში უფრო ჰიგიენურია ვიდრე მოკლებეწვიანისა. ორივე ტიპის ძაღლები ბეწვს ერთნაირად, ერთნაირი რაოდენობით და ერთნაირი სიხშირით იცვლიან. ჰიგიენური კუთხით კი, გრძელბეწვიანი ძაღლის დაცვენილი ბეწვი სახლში უფრო შესამჩნევია, ვიდრე მოკლებეწვიანისა. ასევე ყურადღება უნდა მიექცეს თქვენს ოჯახში ძაღლის დანიშნულებას, თქვენ აუცილებლად უნდა ჩამოყალიბდეთ, თუ რა მიზნისათვის გესაჭიროებათ იგი: გსურთ მცველი, ერთგული კომპანიონი, დეკორატიული ძაღლი თუ მწევარი, რომელიც დაგეხმარებათ ნადირობისას?! გაითვალისწინეთ, რომ მონადირე ძაღლი ვერასდროს შეასრულებს მცველის ფუნქციას, ხოლო მცველი ძაღლი ვერასდროს იქნება თუნდაც ცუდი მონადირე. თუ სასურველი ჯიშის ძაღლს სწორად შეარჩევთ მერწმუნეთ, არასდროს იტყვით მასზე, რომ ის ცუდია!წყარო:myzoo.ge
- ფორუმი
- ფორუმის წევრები
- Shoutbox
- კალენდარი
- ფოტო გალერეა
- Custom Pages
- ვიდეო გალერეა
- iHost
- კლუბის შესახებ
- ფორუმი
- ფორუმის წევრები
- ყველაზე აქტიურები
- ფორუმის სიახლეები
- კალენდარი
- სურათის ატვირთვა
- იუთუბზე ატვირთვა
- ონლაინში არიან
- საიტის რუკა
- მაღაზიები
- კატეგორიები
- მთავარი
- მონადირეთა ლეგიონი
- მსროლელთა ლიგა
- ნადირობა
- ბაზიერობა
- სამონადირეო იარაღი
- ძაღლები
- თევზაობა
- დასვენება, ლაშქრობა
- ფლორა და ფაუნა
- სხვადასხვა
- მედიცინა
- ისტორიის კუთხე
- ბუნება
- გალერეა
- გადმოწერა
- დაგვიმეგობრდით