ბეღურაჩიტი ფართოდაა გავრცელებული სამხ. ევროპაში, მცირე, შუა და ცენტრ. აზიაში, კავკასიაში, პალესტინაში, ირანში, ჩ.-აღმ. ჩინეთში, იმიერბაიკალეთში.
საქართველოს ფარგლებში ბეღურაჩიტი გვხდება ქვეყნის მხოლოდ აღმოსავლეთ ნაწილში, როგორც მობინადრე ფრინველი. ვერტიკალურად ვრცელდება 2500 მ-მდე.
ბინადრობს მთებსა და გორაკებზე, რომლებიც მოკლებულია ხე-მცენარეულობას. ბუდეს იკეთებს მიწაზე, კლდეთა ნაპრალებში, ძველ შენობათა ნანგრევებში, ქვის ყორეებში დებს 4-7 კვერცხს. კრუხობის ხანგრძლივობა აღწევს 14 დღემდე. საკვებს წარმოადგენენ მცირე ზომის მწერები, მცენარეთა თესლები, კენკრა, კვირტები.
ცნობილია ბეღურაჩიტის რამდენიმე ქვესახე, რომელთაგან საქართველოში გვხდება კავკასიური ბეღურაჩიტი - Petronia petronia exigua