Remington Arms Company
კომპანიის ისტორია ნიუ-იორკის შტატის ქალაქ ილიონში 1816 წელს დაიწყო, როცა ილიფალეტ რემინგტონმა მამის სამჭედლოში თავისი პირველი თოფი გააკეთა. ამ ნაკეთობით რემინგტონმა შეჯიბრებაში მიიღო მონაწილეობა.
ასპარეზობის შემდეგ რემინგტონს ბლომად შეკვეთა მოუვიდა. 1825 წელს დაფუძნდა ოჯახური კომპანია. დამფუძნებლის შვილი ფილო კომპანიაში 1846 წელს მოვიდა, ხოლო 1861 წელს მამის სიკვდილის შემდეგ საწარმოში კიდევ 2 ვაჟიშვილი მოდის. ამ დროისათვის კომპანიას Remington & Sons დაერქვა.
სამოქალაქო ომის პერიოდში კომპანია სამხედრო იარაღს აწარმოებდა, ხოლო ომის დასრულების შემდეგ გადავიდა სპორტულ და სანადირო პროდუქციის წარმოებაზე.
1880 წელს კომპანია გაკოტრების საშიშროების წინაშე დადგა და ორმა ბიზნესმენმა, მარცელუს ჰარტლინმა და თომას ბენეტმა(ოლივერ ვინჩესტერის სიძე) რემინგტონი 199 ათას დოლარად შეისყიდეს და სახელი შეუცვალეს_ Remington Arms Company.
1907 წელს კომპანიაში მოიწვიეს დანიელი ოსტატი ჯ.დ. პედერსენი, რომელმაც რემინგტონის პირველი პომპა გააკეთა. 1912 წელს საწარმო შეუერთდა ,,იუნიონ კარტრიჯ კომპანის".
პირველმა მსოფლიო ომმა უაღრესად გაზარდა მოთხოვნილება ცეცხლსასროლ იარაღზე და კომპანიაც ძალიან დიდ შეკვეთებს ღებულონდა. მაგალითად, რუსეთმა მილიონი თოფი და 100 მილიონი ვაზნა შეუკვეთა. რემინგტონის საწარმოებში ყოველდღიური წარმადობა 5 ათას თოფსა და 2,5 მილიონ ვაზნამდე ავიდა. 1917 წლის გასაბჭოების მერე მთავრობამ უარითქვა შეკვეთის მიღებაზე, რამაც რემინგტონის საწყობებში დაუყიდელი 750 ათასი თოფი მოაგროვა. მათი უმეტესობა თითღირებულებაზე დაბალ ფასად საფრანგეთს მიჰყიდეს.
1918 წლიდან კომპანია კვლავ სანადირო და სპორტული პროდუქციის გამოშვებაზე გადადის.
1933 კომპანიას ჩარლზ დევისი ჩაუდგა სათავეში. მეორე მსოფლიო ომის პერიოდში კომპანია სამხედრო შეკვეთებზე გადავიდა. ამ დროს საწარმოში დასაქმებული იყო 82 ათასი მუშაკი.
1980 წლიდან კომპანია კორპორაცია ,,დიუპინის" შემადგენლობაშია და განლაგებულია კონეკტიკუტის შტატში ბრიჯპორტში.
21-ე საუკუნის დასაწყისში ამ კომპანიას, რომელიც ამერიკის ყველაზე მძლავრ იარაღის მწარმოებელად თვლიან, გარკვეული სიძნელეები შეექმნა. 2007 წელს კომპანია მიეყიდა საინვესტიციო კომპანიას Cerberus Capital Management-ს 118 მილიონ დოლარად. გარიგების საერთო თანხამ 370 მილიონი დოლარი შეადგინა.
Remington 870 პომპა
ყალიბი 12,20; სავაზნე 76მმ; ტევადობა 2+1, 5+1; წონა 3-3,6 კგ; სიგრძე 118-128,3 სმ; ლულის სიგრძე 66, 71, 76 სმ; სახსნელი ჩოკები; ვენტილირებადი სამიზნე თამასა; მცველი განლაგებულია ფართან; კალაპოტი ფოლადი; კონდახი კაკლის(პისტოლეტური ტიპის).
Remington 11-96 EL ნახევარავტომატი უკუქცეულ გაზებზე
ყალიბი 12; სავაზნე 76მმ; ტევადობა 2+1, 5+1; წონა 3,2-3,4 კგ; სიგრძე 116-122 სმ; ლულის სიგრძე 66, 71 სმ; სახსნელი ჩოკები; ვენტილირებადი სამიზნე თამასა 6მმ სიგანით; მცველი განლაგებულია ფართან უკან; კალაპოტი ფოლადი; კონდახი კაკლის(პისტოლეტური ტიპის).
Remington 396 Sporting დეკორატიულ გვერდით დაფებზე.
ყალიბი 12; სავაზნე 76მმ; ერთ სასხლეტზე; წონა 3,3-3,4 კგ; სიგრძე 114,3-119,4 სმ; ლულის სიგრძე 71, 76 სმ; ეჟექტორზე; სახსნელი ჩოკები; ვენტილირებადი სამიზნე თამასა 10მმ სიგანით; მცველი განლაგებულია კონდახის ყელზე; კალაპოტი ფოლადი; კონდახი კაკლის(პისტოლეტური ტიპის).
წყარო: https://club-monadire.ge/